Home Sport Shqiperia mund 1-0 Rumanine

Shqiperia mund 1-0 Rumanine

325
0

1466370463gdgdfgËndrra vazhdon. Shqipëria mundi 1-0 Rumaninë dhe mban të gjalla shpresat për të vazhduar më tej në Euro 2016. Kuqezinjtë e De Biasit të cilët në mënyrë të pafat dolën pa pikë nga Zvicra dhe Franca u shpërblyen në ndeshjen e fundit në grup falë golit të Sadikut dhe sigurisht një loje shumë të kujdesshme në mbrojtje e mesfushë.

Rumania e nisi mirë ndeshjen, por lojtarët e tyre nuk arritën të shfrytëzonin hapësirat e mbrojtjes tonë në fillimin e ndeshjes. Kuqezinjtë e mblodhën veten pas 15 minutave duke marrë kontrollin e duke qenë ata diktuesit e lojës.

Lenjani humbi një rast të pastër në minutën e 23 ndërkohë që në të 43-n Armando Sadiku shënoi golin që startoi dhe festën kuqezi në stadiumin e Lionit.

Në të dytën rumunët u përpoqën me të gjitha mënyrat për të barazuar rezultatin, por gjuajtjet e Stanciu, Torje apo dhe Stancut nuk e vunë asnjëherë në provë Berishën. I vetmi rast i rrezikshëm i tyre ishte gjuajtja e Andone që për fatin tonë të mirë preku traversën.

Shqipëria e De Biasit tregoi edhe njëherë se kualifikimi i saj për herë të parë në një evropian nuk është thjesht një rastësi, ndërkohë që Armando Sadiku hyn në histori si golashënuesi i parë kuqezi në një kompeticion të tillë.

Previous articleNeser perballja me Rumanine, kombetarja shpreson per kualifikim
Next articleRama: Investimet terheqin vemendjen e turisteve te huaj

LEAVE A REPLY

Please enter your comment!
Please enter your name here