Home Sport Kreu i FSHF: E drejta fitoi, shpenzimet e gjyqit i paguan pala...

Kreu i FSHF: E drejta fitoi, shpenzimet e gjyqit i paguan pala serbe

258
0

armando-duka-konference-per-shtypKreu i FSHF-së, Armand Duka ka dhënë një konferencë për shtyp pas vendimit të Gjykatës së Arbitrazhit, ku ka konfirmuar se Shqipëria ka marrë 3 pikët në tavolinë. Duka ka thënë se shpenzimet e gjyqit do ti paguajë pala serbe, por sipas vendimit të CAS, për Shqipërinë mbetet gjoba 100 mijë euro për banerin me Shqipërinë autoktone.

“Vendim shumë i debatuar, i diskutuar dhe në një kohë të gjatë. E si mund të mos vinte sot. Fakti që e drejta fitoi, ne jo vetëm që morëm tre pikë, por e drejta fitoi. Nuk duhet të gjykojmë për klasifikimin e këtij grupi nëse Shqipëria do shkojë në Europian, po mesazhi që futbolli duhet të përçojë. Vendimi është goxha i gjatë. Në vija të përgjithshme nuk bën fajtor Shqipërinë për mosfutjen në fushë. Serbët do paguajnë shpenzimet e gjyqit”, tha Duka.

Avokati Hajdari e ka quajtur vendimin, fitore të madhe dhe ka informuar gjithashtu se për çështjen e dronit Shqipëria është gjetur fajtore. “Fitorja më e madhe. Për çështjen e banerit jemi gjetur fajtor. Gjoba 100 euro është lënë fuqi. Përveç se drejtësisë edhe futbolli ka fituar”, tha Hajdari.

Kreu i FSHF-së, tha se ekipi i Kombëtares tani duhet të bëjë më të mirën, pasi është në grup me 4 skuadra dinjitoze.

“Miku dhe armiku jemi vetë ne. Duhet të bëjmë më të mirën. Kemi 4 kundërshtarë jo më shumë se dinjitozë. Portugalia, Danimarka, Serbia që luan pa ndonjë ngarkesë emocionale. Por gjithsesi kemi hedhur një hap të sigurt. Kjo ka qenë një betejë që ka përfshirë çdo shqiptar. Të gjithë e dëshiruan këtë që ndodhi sot. Fitorja e futbollit është mbi fitoren e këtyre pikëve. Edhe pa këto pikë, e kisha të sigurt vendin e dytë ose të tretë”, tha ai.

Duka ka konfirmuar se vendimi i CAS është përfundimtar. Gjithashtu ai shtoi se ky vendim ka dhënë një mesazh për të gjithë tifozët si ata serbë ashtu e ata shqiptarë.

“Edhe futbolli serb ka fituar dhe tifozët serbë e kanë mësuar se duhet të sillen. Fatura financiare e papërfillshme me kënaqësinë dhe gëzimin që u ka sjellë tifozëve shqiptarë. Sot kemi marrë njoftimin zyrtar, nuk kisha asnjë informacion më para. Ishte një vendim që i gjithë opinioni botëror e kishte marrë para CAS-it. Kështu që Gjykata e Arbitrazhit ka certifikuar një të vërtetë. Ky vendim jep një mesazh të fortë që futbolli duhet të ndahet nga çdo gjë që s’ka lidhje me lojën. Këtë mesazh duhet ta marrin të gjithë. Tifozët duhet të jenë të bashkuar, ta ndihmojnë lojën jo ta. Duhet ti tregojmë botës se dimë të presim miq, të bëjmë më të mirën”, tha Duka.

Avokati Hajdari sqaroi se vendimi i zbardhur i CAS është 74 faqe. Është pranuar apelimi i palës shqiptare për marrjen e 3 pikëve në tavolinë, ndërsa është refuzuar heqja e gjobës 100 mijë euro.

“Vendimi është 74 faqe. Vendimi është i joni, për apelimin që kemi bërë në CAS. Është pranuar pjesa për 3 pikët në tavolinë dhe është refuzuar për gjobën”, u shpreh ai.

Previous articleCAS vendos drejtësi! Shqiperia merr 3 pike ne Beograd
Next articleVendimi i CAS, mijera qytetare festojne te Sheshi Nënë Tereza

LEAVE A REPLY

Please enter your comment!
Please enter your name here