Mijera qytetarë kanë dalë në sheshin “Nënë Tereza” për të festuar vendimin e Gjykatës së Arbitrazhit Sportiv që i dha fitoren në tavolinë kombëtares shqiptare.
Ky vendim i jep shumë shpresa objektivit të Shqipërisë për t’u kualifikuar në kampionatin evropian “Francë 2016”, që do të shënonte pjesëmarrjen e parë për kombëtaren kuqezi në të gjithë historinë.
Tashmë, Shqipëria ndodhet e dyta në Grupin I, çka e kualifikon direkt në fazën finale të evropianit. Deri në fund të fazës eliminatorë, kuqezinjtë do të luajnë dhe katër ndeshje (me Danimarkën, Portugalinë, Serbinë dhe Armeninë).
