Home ShowBiz Bledi Strakosha largohet nga Agon Channel

Bledi Strakosha largohet nga Agon Channel

258
0

bledi-strakoshaKa qenë një bisedë e lirshme “facebook”-u për veshjet televizive pak ditë më parë, që i kushtoi pozicionin e punës në televizionin “Agon” moderatorit të njohur me një karrierë 20-vjeçare në televizion, Bledi Strakosha. Atij i është komunikuar vendimi për ndërprerjen e kontratës me këtë televizion, pasi i është bërë printimi i një bisede të hapur në profilin e spikeres së lajmeve në “Tv Klan”, Daniela Kostandini, e cila shkruante se ndërsa ishte me leje në shtëpi, shihte që veshjet e saj po i përdornin të tjerë punonjës të atij televizioni. Brenda këtij debati kishte shkruar dhe një koment Bledi, i cili thoshte se veshjet e tij në “Agon Channel” përdoreshin jo vetëm për dalje në ekran, por edhe për ceremoni private. E gjithë kjo bisedë ishte bërë në sensin e humorit nga ana e tij, që kishte marrë komentimi i statusit të Danielës në profilin e saj, por me sa duket drejtuesit e “Agon” e kanë marrë shumë seriozisht. Një ditë më pas, ata kanë përdorur këtë si arsye dhe provë për të nënshkruar vendimin e ndërprerjes së marrëdhënieve së punës me Bledin, me motivimin “Për humbje të besueshmërisë”. Shumë shikues ndjekës të Bledit në ekran e kanë konsideruar qesharake, se si një televizion me ambicie të qarta për të fituar sa më shumë audiencë merret me gjëra kaq të vogla “facebook”-u. Strakosha u kontaktua nga gazeta “Panorama” lidhur me këtë çështje dhe ai konfirmoi thjesht lajmin që marrëdhënia e tij me këtë televizion është ndërprerë, por nuk pranoi të japë asnjë detaj tjetër. Ai nisi punë në këtë televizion në muajin mars të këtij viti, ndër moderatorët kryesorë që u shfaq në këtë ekran të ri. Emisioni i parë i prodhuar dhe transmetuar nga “Agon” me titull “Free Pass” prezantohej nga Bledi, Armela dhe Qetsori, ndërsa shihnin audicionet dhe vendosnin se cilët persona ia vlenin të punësoheshin në projektet e ardhshme të këtij televizioni. Më pas, ai ka punuar për emisionet: “Rrethuar”, “Summer Land” dhe “Star System”, si autor dhe prezantues. Këtë muaj, kur iu komunikua ky vendim, Bledi ka mbushur plot 20 vite eksperiencë në radio e televizion, dhe gjithmonë largimet nga puna i ka pasur me mbyllje kontratash dhe asnjëherë nuk është përfolur për kontradikta e keqkuptime në punë. Ndërkohë që miq të tij na konfirmuan se ai tashmë po përgatitet për një projekt të ri, që shumë shpejt do ta paraqesë në një tjetër ekran.

Previous articleMinistri Gjiknuri shkarkon drejtorët e KESH, ja emrat e rinj
Next articlePrinci Leka dhe Elia, shik në një ambient mbretërish

LEAVE A REPLY

Please enter your comment!
Please enter your name here