Kryeministri i Kosovës Isa Mustafa, në kuadër të pjesëmarrjes së tij në Forumin Ekonomik të Vjenës të zhvilluar në Tiranë, ka patur një takim kokë më kokë edhe me kryeministrin e Maqedonisë Nikolla Gruevski.
Pas këtij takimi Mustafa u shpreh se palët diskutuan në lidhje me përplasjen e armatosur në Kumanovën e banuar nga shqiptarët.
Në një prononcim për mediat Mustafa tha se ai kërkoi që të kryhet një hetim ndërkombëtar për ngjarjet e ndodhura dhe se vetëm hetimi ndërkombëtar mund të zbardhë ngjarjen.
Kreu i ekzekutivit të Prishtinës u shpreh gjithashtu se palët ranë dakord për të bashkëpunuar me njëra-tjetrën për të parandaluar ngjarje të tilla.
“Zbatim i kritereve ndërkombëtare për hetimin ndërkombëtar neutral është i dobishëm edhe për Maqedoninë”, u shpreh Mustafa.