Ambasadori i OSBE Robert Bosch i ndodhur në qytetin e Korcës nuk ka anashkaluar edhe deklaratat politike. Bosch ka parë si pozitive nisjen e negociatave mes PS e PD, duke iu referuar kështu takimit të krerëve të grupeve parlamentare Gramoz Ruci e Astrit Patozi.
Sipas ambasadorit të OSBE, tani është koha që dy palët të arrijnë në një marëveshje të pranueshme dhe sa më të shpejtë.
“Është pozitive që dy partitë kanë hyrë në bisedime dhe shpresojmë që të arrihet një marrëveshje e pranueshme për të dyja palët. Koha për kompromis është tani”, – theksoi ndër të tjera Bosch.
