Ish-anëtarja e Spice Girls, Victoria Beckham, mund ta shtojë edhe titullin e dizenjatores së makinave në rezyme, pasi ylli është bashkuar me markën Range Rover për të krijuar veturën e saj.
Këngëtarja e shndërruar në dizenjatore të modës është kërkuar të punojë në dizajnin e brendshëm të modelit të ri të Range Rover Evoque.
“Jam tepër e ngazëllyer që do të punoj me Range Rover. Më pëlqen të kem sfida dhe jam e gatshëm për këtë… Nuk e di kur do të filloj. Është një mundësi e jashtëzakonshme që më jepet. Jam vërtet e ngazëllyer”, ka thënë Victoria.
