Çmimi i biletes do te jete 50 leke. Drafti pritet të nënshkruhet nga palët, ku përcaktohen qartë kërkesat e Ministrisë karshi operatorëve që ushtojnë aktivitetin e tyre në transportin qytetas.
Diskutimit nëse do të ketë ndryshim apo jo të çmimit të biletës për transportin qytetas, duket se po i vjen fundi dhe e vetmja gjë e sigurt është që kostoja do të rritet. Një draft-marrëveshje që po diskutohet mes Shoqatës Kombëtare të Transportit dhe Ministrisë së Infrastrukturës përcakton edhe piketat kyçe se si do të lëvizin çmimet.
Kërkesa e Shoqatës Kombëtare të Transportit Qytetas ishte që bileta e udhëtimit të bëhej 70 lekë, por Ministria ka përcaktuar si tavan maksimal çmimin 50 lekë, në mënyrë që kostoja ndaj qytetarëve të mos rritet.
Nga ana tjetër, bileta e pajtimit mujor, apo abonoja e përgjithshme, nga 1200 lekë do të shkojë 1800 lekë. Aboneja e studentëve pritet që të shkojë nga 600 lekë që është aktualisht, në 900 lekë, kurse abonoja për një linjë, nga 900 lekë parashikohet të shkojë 1400 lekë…
