Home Aktualitet Shiu përmbyt Tiranën

Shiu përmbyt Tiranën

108
0

Reshjet e dendura të shiut të cilat kanë nisur gjatë natës dhe u intensifikuan mëngjesin e sotëm shkaktuan përmbytje në disa qytete, ndërsa kryeqyteti, si radhë herë, sot në mëngjes, është pushtuar nga mbretëria e ujit. Madje dhe sheshi Skënderbej, ku nuk kanë funksionuar kanalizimet. Raportohen për shtëpi nën ujë në zonën e Don Boskos dhe tek Frigoriferi. Përmbytje të rrugëve dhe banesave edhe në Gjirokastër e Lezhë. Për momentin reshjet janë ndërprerë por situata mbetet kritike.

TIRANE, PERMBYTEN SHTEPI NE SIRI KODRA DHE NE ZONEN E FRIGORIFERIT

Në zonën e Don Boskos, janë përmbytur rreth 10- 15 shtëpi. Edhe në zonën e Frigoriferit janë përmbytur disa banesa ndërsa në rrugë uji arri në gati 30 cm.
Bllokimi i trafikut ka nisur që prej 7. 45 minuta, në Don Bosko, pranë hotel Dajti në Kombinat te Siri Kodra dhe në zona të tjera. Përmbytje dhe në zonën e Stadiumit Qemal Stafa

Bashkia e Tiranës njofton se situata më problematike nga reshjet paraqitet kryesisht në rrugën “Don Bosko”, në “Kombinat”, (pranë Fabrikës së Birrës), tek rruga “Hoxha Tahsin”, në drejtim të Farmacisë 10 dhe tek Ura e Madhe e Dajtit. Bashkia njofton se ka ndërmarrë menjëherë masat e nevojshme dhe ka mobilizuar të gjithë punonjësit e Ndërmarrjes nr. 2 të Ujësjellës – Kanalizimeve, operatorët e pastrimit, me qëllim rikthimin e situatës në normalitet. “Po bashkëpunohet me Shërbimin Zjarrfikës, për të bërë të mundur largimin e ujit me bote, në pjesët më problematike.

Reshjet kanë vështirësura edhe trafikun i cili u rëndua akoma dhe me shumë nga mungesa e semaforëve, pjesa me e madhe e te cilëve ishin jashtë funksionit.
“Në rrugët e Tiranës janë vendosur rreth 150 policë bashkiake dhe 20 mjete, ndërkohë që Policia e Rendit ka përforcuar shërbimet e saj në zonat problematike, ka shtuar patrullat e përgjithshme dhe shërbimet e Policisë Rrugore, pasi reshjet e shumta kanë bërë të mundur që një numër semaforësh të jenë jashtë funksionit. Njëkohësisht është devijuar qarkullimi i mjeteve, në rrugën “Don Bosko.”- informoi Bashkia.

TIRANE, TE NENSTACIONI NE DISA SHTEPI UJI ARRIN 40- 50 CM
Te zona e nënstacionit, pranë ish tregut të vjetër të bagëtive, në disa shtëpi niveli i ujit arrin deri në 40- 50 cm. “Kam dy orë që po rri në mes të rrugës. Rrobat e mia shkuan të gjitha kot. Qeveria të vijë e të na shikojë dhe të na ndihmojë”- thotë një grua. Ndërsa një qytetar thotë “Disa herë kam bërë ankesë në bashki për të pastuar kanalet kulluese por nuk ishte bërë asgjë. Tani shiko si u katandisëm”

GJIROKASTRA PERMBYTET, SHEMBET BANESA MONUMENT KULTURE
Në Gjirokastër reshjet e shiut kanë nisur rreth orës 03:00 dhe vazhdon edhe gjatë paradites së sotme. Situata kritike paraqitet sidomos në shtëpitë e vjetra, momunemte kulture. Një banesë monumet kulture e kategori e dytë, shtëpia e Koloit.

LEZHE, NIVELI I UJIT ARRIN NE 60 CM
Në Lezhë në harkun kohor të 30 minutave të gjitha lagjet kanë qenë nën pushtetin e ujit. Në disa zona niveli i ujit ka arritur në gati 60 cm. Situata më kritike është në lagjen “Beslidhja”. Uji ka pushtuar dhe ambientet e 2 shkollave të mesme dhe një shkolle 9 vjeçare. Reshjet e shiut vazhdojnë me intensitet të ulët, por ende situata mbetet problematike. Shkak është bllokimi i kanaleve kulluese.

Reshjet e shiut kanë përfshirë sot të gjithë territorin e vendit por nuk raportohen probleme në Elbasan, Vlorë, e Shkodër.

LEAVE A REPLY

Please enter your comment!
Please enter your name here