Home Rajoni Rama takon Vuçiç në Serbi. Kryefjala, te drejtat e shqiptareve ne Presheve

Rama takon Vuçiç në Serbi. Kryefjala, te drejtat e shqiptareve ne Presheve

725
0

rama-vucic-kine

Kujdesi i Serbisë ndaj shqiptarëve të Luginës Shqiptare, ishte kryefjalë e takimit që kryeministri Edi Rama zhvilloi në Beograd me homologun serb Aleksandar Vuçiç. Ndërsa me kryeministrin kinez, Li Keqiang, sipas Ramës është arritur mirëkuptim i plotë për nevojën e rritjes së mbështetjes financiare të Kinës ndaj Shqipërisë dhe vendeve të Rajonit.

“Takim me km Vuçiç per rritjen e ritmit te bashkepunimit dhe rritjen e kujdesit ndaj shqiptareve te Lugines se Presheves”, shkruan Rama për takimin me Vucic.
Po ashtu përmes rrjeteve sociale përcjell edhe takimin me kryeministrin kinez.
“Mirekuptim i plote me km Li Keqiang per nevojen qe Kina te rrise mbeshtetjen financiare ndaj Shqiperise dhe rajonit #Ndryshimereale”

Sot, dita e dytë e Samitit Kinë-Ballkan të mbajtur në Beograd
Takimi i kryeministrit të Serbisë Aleksandar Vuçiç me homologun nga Hungaria Viktor Orban çeli ditën e dytë të Samitit të Tretë të Kinës dhe vendeve të Europës Qendrore e Lindore që zhvillohet në Beograd.
Më tej të dy krerët e qeverive janë takuar me kryeministrin maqedonas Nikola Gruevski e në takimin e fundit bilateral, Vuçiç u takua me kryeministrin e Shqipërisë Edi Rama.
Në rrjetin social “Facebook” Rama shkruan se takimi dypalësh me kryeministrin e Kinës do të jetë “për platformën tonë për zgjerimin e bashkëpunimit ekonomik”. Këtij statusi Rama i ka bashkangjitur edhe një foto ku kryeministri kinez është mes Ramës dhe kryeministrit serb, Aleksandër Vuçiç.
Sakaq, takimi me kryeministrin Vucic u zhvillua në pallatin “Serbija”. Mësohet se dy kryeministrat diskutuan për marrëdhëniet mes dy vendeve dhe për organizimin e vizitës së Vuçiç në Tiranë, që mund të ndodhë në shkurt.

Në ditën e parë të punimeve të samitit me pjesëmarrjen e së paku 20 kryeministrave nga Rajoni, kryeministri kinez Li Keqiang premtoi 10 miliardë dollarë për vendet e rajonit, për investime kryesisht në infrastrukturë. Gjatë qëndrimit në Beograd, Rama do të ketë takime edhe me homologët të tjerë të vendeve të Europës Qendore dhe Lindore.

10863824_10152598028486523_1964609354053250338_o

Vëmendja mediatike është fokusuar në takimin dypalësh Rama-Vuçiç, duke parë tensionin e fundit politik gjatë vizitës së parë historike që Rama zhvilloi në Beograd në 10 Nëntor të këtij viti.

Vuçiç dhe Gruevski biseduan për ndërtimin e hekurudhës së shpejtë

Kryeministri i Serbisë, Aleksandar Vuçiç në takimin bilateral me kryeministrin maqedonas, Nikolla Gruevski zhvilluan bisedime rreth marrëdhënieve dypalëshe, projektet e infrastrukturës dhe ndërtimin e hekurudhës së shpejtë Beograd – Budapest përmes Shkupit në Athinë.
Vuçiç ka propozuar formimin e ekipeve të përfaqësuesve nga Ministritë e Financave të dyja vendeve, të cilët do të punojnë rreth detajeve në lidhje me projektin e hekurudhës së shpejt.
Përveç kësaj, tema diskutimi ishin nga fusha e kulturës, tregtisë dhe bashkëpunimit në fushën e energjisë. Takimi bilateral u mbajt në kuadër të Samitit të Tretë të kryetarëve të qeverive të Kinës dhe vendeve të Evropës Qendrore dhe Lindore që filloi dje në Beograd.

LEAVE A REPLY

Please enter your comment!
Please enter your name here