Home Politike PE miraton rezolutën për Shqipërinë

PE miraton rezolutën për Shqipërinë

281
0

Parlamenti Europian ka miratuar këtë të enjte rezolutën për Shqipërinë, në të cilën thuhet se, në vend nevojiten më shumë përpjekje për realizimin e reformave.

Dokumenti vlerëson se, është e vërtetë se reformat kyçe politike dhe administrative, “aq të nevojshme në këtë vend”, janë duke bërë progres, por nga ana tjetër thekson se, këto procese ende nuk kanë arritur në fazën që do t’i hapnin rrugë nisjes së negociatave të anëtarësimit në Bashkimin Europian.

“Shqipëria është në rrugën e duhur drejt anëtarësimit në BE. Vendi është duke përgatitur aktualisht një reformë gjyqësore tepër ambicioze, e cila do t’u japë përgjigje shqetësimeve më kyçe të përcjella nga qytetarët dhe do të ndihmojnë në luftën kundër korrupsionit në jetën e përditshme. Qytetarët e Shqipërisë duan të bëhen gati për aderimin në bllokun europian. Tani, liderët e tyre politikë duhet ta kapin këtë moment e të vazhdojnë implementimin e reformave”, deklaroi eurodeputeti Knut Fleckenstein.

Në rezolutën për Shqipërinë thuhet se, nëse dëshiron fillimin e negociatave të anëtarësimit, duhet të intensifikojë reformat në fushat më prioritare siç janë: sundimi i ligjit, reforma gjyqësore, lufta kundër korrupsionit dhe krimit të organizuar, reforma në adminstratën publike, si dhe të drejtat themelore.

Eurodeputetët vazhdojnë të mbeten të shqetësuar për nivelin e lartë dhe shtrirjen e korrupsionit në arsim, shëndetësi, gjyqësor e fusha të tjera.

Autocensura e zgjeruar mes gazetarëve nga ana tjetër, që siç thuhet në dokument janë ndonjëherë edhe fizikisht të ndaluar të mbulojnë evente të caktuara, që sulmohen apo kërcënohen për shkak të punës së tyre përben një tjetër arsye për shqetësim.

Previous articleGjykata e Lartë shpall të pafajshëm ish-ministrin Tafaj
Next articleProjekti për luftimin e kancerit

LEAVE A REPLY

Please enter your comment!
Please enter your name here