Home Aktualitet Gjykata e Lartë shpall të pafajshëm ish-ministrin Tafaj

Gjykata e Lartë shpall të pafajshëm ish-ministrin Tafaj

76
0

Gjykata e Lartë ka shpallur këtë të enjte të pafajshëm ish-ministrin e Arsimit, Myqerem Tafaj, i akuzuar për shpërdorim detyre.

Trupi gjykues ka hedhur kështu poshtë kërkesën e prokurorisë, që kishte kërkuar 1 vit burg për ish-anëtarin e kabinetit Berisha.

Muajin e kaluar prokurori Madrid Kullolli tha gjatë pretencës se, ish-ministri kishte injoruar vendimin e Këshillit të Akreditimit për moshapjen e 8 programeve në universitetin privat “Vitrina”.

“Në kohën kur ky këshill i ka konsideruar negative kriteret e depozituara për të miratuar programet për vitin akademik 2010-2011, ministri ka urdhëruar hapjen e tyre”, tha prokurori.

Prokuroria e konsideroi shkelje edhe faktin se, ndërkohë në këtë universitet, regjistrimet për këto degë ishin kryer një vit më parë, pra në 2009-n.

LEAVE A REPLY

Please enter your comment!
Please enter your name here