Ekipi i Flamurtarit ka braktisur ndeshjen me Vllazninë. Ngjarja ka ndodhur si pasojë e vendimit të gjyqtarit për ti dhënë ekipit shkodran një 11-metërsh.
Rezultati ka qënë 1 me 0 në favor te Flamurtarit deri në momentin kur gjyqtari ka dhënë 11-metërshin por tifozët dhe lojtarët vlonjatë kishin paralajmëruar më parë se në rast padrejtësie ato do të largoheshin.
Pas vendimit të skuadrës së Flamurtarit, gjyqtari është detyruar të mbyllë takimin duke mos e lënë Vllazninë të gjuajë penalltinë.
Braktisja e ndeshjes së sotme favorizon ekipin e Skënderbeut për titullin kampion.
