Home Sport Kristi Vangjeli rikthehet tek Skënderbeu

Kristi Vangjeli rikthehet tek Skënderbeu

486
0

kristi-vangjeliKristi Vangjeli mund të konsiderohet një futbollist i Skënderbeut. Mbrojtësi i djathtë ka mbyllur përfundimisht aventurën me kampionët e Rumanisë Astra Giurgiu. Burime pranë mbrojtësit të djathtë bëjnë të ditur se të martën 31-vjeçari mbylli marëveshjen me skuadrën rumune dhe është drejt kthimit në Korcë ku do ti bashkangjitet kampionëve.

Ish futbollisti i kombëtares Shqiptare u largua në përfundim të edicionit të shkuar drejt Rumanisë tek skuadra kampione e vendit Astra, por problemet financiare bënë që të kërkojë largimin nga kjo skuadër.

Vangjeli luajti një ndeshje në Champions League dhe një në Europa League me kampionët e Rumanisë, teksa këta të fundit fituan të drejtën për të luajtur në fazën e grupeve të këtij kompeticioni.

Megjithatë as kjo arritje nuk e ndryshoi qëndrimin e mbrojtësit të djathtë i cili është në rrugën e kthimit drejt Korcës për tiu bashkuar Skënderbeut. Në drejtim të Kristi Vangjelit pati edhe ofertë nga Partizani, por për mbrojtësin Skënderbeu kishte përparësi në kampionatin shqiptar. Pas ndalesës në Selanik pranë familjes, Vangjeli do të nënshkruajë kontratën dhe ti bashkohet më pas skuadrës nën urdhërat e italianit Andrea Agostinelli.

Previous articleShqipëria gati drejt eliminatoreve, Rusi 2018
Next articleShkoder, policia asgjeson 27 parcela me kanabis

LEAVE A REPLY

Please enter your comment!
Please enter your name here