Një çift të moshuarish në Gjirokastër kanë rënë pre e grabitësve të cilët u kanë marrë para dhe sende me vlerë në banesën e tyre.
Ngjarja ka ndodhur në rrugën ‘Andon Poci’, në banesën e Thimio Cinos.
Sipas policisë, 2 persona ende të paidentifikuar kanë hyrë me forcë në banesën e të moshuarve pas mesnate dhe duke i kërcënuar u kanë marrë atyre një sasi lekësh dhe një unazë floriri e më pas janë larguar.
Policia ka nisur punën për zbardhjen e ngjarjes si dhe identifikimin dhe vënien në pranga të autorëve të grabitjes.
