“Heroinë dhe hashash nga Shqipëria në Itali. Droga fluturon me avion”. Kështu e titullon një shkrim të saj sot gazeta prestigjioze italiane, “Corriere della Sera”, e cila ndër të tjera flet për një avion, i cili mund të jetë ulur në rajonin e Emilia Romagnas.
Sipas gazetës, duke iu referuar edhe rastit të Shqipërisë, ku u ndalua piloti italian, Girogio Riformato, tashmë trafikantët aterojnë në aeroportet e vogla, të cilët nuk kanë rregulla strikte kontrolli, dhe që janë larg zonave të populluara.
Gazeta citon zëra të një çështje në hetim, për të cilin gjithsesi ende mungojnë provat, dhe ku flitet për një avion, i cili është ulur së fundi në rajonin e Emilia Romangas. Sipas saj, nuk mund të thuhet se ku me ekzaktësi, pasi në këtë rajon ka gjashtëdhjetë aeroporte të vogla.
Sipas Corriere, nga janari janë konfiskuar 9.730 kg kanabis sativa.
