HYRJE Sport Rama: Federate per sportin shkollor

Rama: Federate per sportin shkollor

0
37

Kryeministri Edi Rama njoftoi së fundmi projektin për krijimin e një tjetër federate sportive, me qëllim, siç tha ai, rilindjen e sportit.

Përmes një postimi në Facebook, Rama bëri me dije se bëhet fjalë për Federatën e Sportit Shkollor, për t’i dhënë sportit në shkollë një shtëpi që administron lëvizjen sportive në bazë.

“Kjo federatë është një strukturë e domosdoshme për të koordinuar të gjitha sforcot tona, sforcot e qeverisë, të Ministrisë së Arsimit dhe Sportit, të Universitetit të Sportit, të të gjithë klubeve sportive dhe padyshim të të gjithë mësuesve e drejtorive arsimore, të zyrave arsimore, për të ngritur lëvizjen sportive në rang republike”, tha Rama.

Ambicia jonë – shtoi ai – është që shkollat tona të krijojnë skuadrat e tyre të basketbollit, volejbollit dhe të disiplinave të tjera dhe të kenë kampionate të rregullta.

“Një lëvizje e domosdoshme për Shqipërinë, duke patur parasysh edhe faktin e mirënjohur botërisht që çdo euro e investuar në sport sot është e barabartë me 3 të kursyera për shëndetësinë apo për rendin publik nesër”, tha Rama.

PËRGJIGJU

Please enter your comment!
Please enter your name here