Home Aktualitet Vlorë, sekuestrohen 85 kg mariuanë vinte nga Lazarati

Vlorë, sekuestrohen 85 kg mariuanë vinte nga Lazarati

122
0

Uniformat blu të kryeqytetit përmes operacionit të koduar “Vora II” sekuestruan 85 kg lëndë narkotike e dyshuar mariuanë. Lajmi u konfirmua në një konferencë për shtyp nga vetë Drejtori i Policisë se Tiranës, Tonin Vocaj.

“Nga ky operacion u arrestuan në flagrancë Elert Latifi, 20 vjeç lindur dhe banues në Shijak dhe Rigels Kaja 22 vjeç lindur dhe banues në Durrës”, tha Vocaj.

Sipas tij, “dy të rinjtë u kapën në kryqëzimin e Vorës, pas një hetimi që kish zgjatur për rreth 3 muaj i organizuar me metoda speciale të hetimit”.

Drejtori i Policisë së kryeqytetit Tonin Vocaj nënvizoi se “nga hetimet e deritanishme, lënda narkotike vinte nga fshati Lazarat i Gjirokastrës, me destinacion qytetet e Durrësit dhe të Tiranës”.

Kreu i Policisë tha se gjatë operacionit për ndalimin e tyre, të arrestuarit kanë bërë rezistencë ndaj forcave të policisë, duke tentuar të largohen me shpejtësi, me automjetin tip Benz me targa të huaja”.

Gjatë kontrollit të ushtruar në banesën e Rigels Kajës, u gjet dhe u sekuestrua në cilësinë e provës materiale dhe një automatik tip kallashnikov.

LEAVE A REPLY

Please enter your comment!
Please enter your name here