Home Aktualitet Policia ne gatishmeri per sigurine e zyrtareve te NATO-s

Policia ne gatishmeri per sigurine e zyrtareve te NATO-s

266
0

Rrugët-në-Tiranë-642x358Nga e premtja deri të dielën masat e sigurisë në Tiranë do të rriten ndjeshëm për shkak të zhvillimit të sesionit të pranverës së Asamblesë Parlamentare të NATO-s.

Policia e kryeqytetit ka njoftuar se 6 komisariate kanë kaluar në gatishmëri, për të siguruar mbarëvajtjen e aktivitetit.

9 hotelet ku do të qëndrojnë 600 delegatët janë marrë në ruajtje nga policia, e cila ushtroi kontrolle edhe me qen antieksploziv.

Mjediset e brendshme të hoteleve do të ruhen për 3 ditë nga Policia Ushtarake dhe forcat e armatosura. Po ashtu, pjesë e planit të masave janë edhe Shërbimi Informativ i Shtetit, Agjencia e Inteligjencës Sigurisë dhe Mbrojtjes si dhe Garda e Republikës, e cila ka marrë në dorëzim Pallatin e Kongreseve, ku do të mbahen punimet 3-ditore.

Po ashtu, për 3 ditë do të ketë edhe kufizime të qarkullimit rrugor, të akseve pranë Pallatit të Kongreseve, ndërsa përreth tij nuk do të lejohet të kalojnë as këmbësor.

Në gatishmëri për 3 ditë kanë kaluar edhe Forcat e Ndërhyrjes së Shpejtë si dhe reparte të tjera special, të cilat do të monitorojnë situatën nga lartësitë e godinave pranë Pallatit të Kongreseve.

Burime nga policia nuk përjashtojnë as mundësinë e patrullimit nga ajri të ndonjë helikopteri të Ushtrisë, si në rastet e vizitave të personaliteteve të larta të kohëve të fundit.

Previous articleGoogle sjell risi
Next articleZgjedhja e universitetit, hapet Panairi i Orientimit te Karrieres

LEAVE A REPLY

Please enter your comment!
Please enter your name here