Home Ekonomi Pogradec – Oher, linje trageti gjate veres

Pogradec – Oher, linje trageti gjate veres

819
0

oherPogradeci dhe Ohri do të kenë një linjë tragetesh gjatë verës. Ndërsa në Shëngjin do të ndërtohet një port i ri, që do i shërbejë gjithë rajonit. Këto ishin dy konkluzionet e para të takimit trepalësh që ministri i Transporteve, Haxhinasto, zhvilloi në Ohër të Maqedonisë me homologët Janakieski dhe atë kosovar Mujota. Sipas njoftimit të Ministrisë, tre ministrat ranë dakord të liberalizojne më tej shërbimet e transportit në rajon, dhe të planifikojnë së bashku zhvillimin e infrastrukturës rajonale.

Ministrat theksuan nevojën e koordinimit të përpjekjeve për financimin e projekteve të përbashkëta, duke filluar kështu një proces bashkëpunimi intensiv në fushën e infrastrukturës së tri vendeve. Haxhinasto theksoi si projekte prioritare Rrugën e Arbrit, rehabilitimin e rrjetit hekurudhor, duke mundësuar lidhjen me Maqedoninë dhe ndërtimin e një Porti të ri të Shëngjinit, i cili do t’u shërbejë edhe vendeve të tjera të rajonit, si Kosova, Maqedonia, Serbia e më gjerë.

Në terma afatshkurtër u ra dakord për vendosjen e një linje sezonale liqenore Pogradec-Ohër. Sipas njoftimit, ministrat diskutuan edhe për mundësinë e liberalizimit të mëtejshëm të transportit rrugor te mallrave, nëpërmjet modelit one stop shop, heqjes së barrierave jo-fizike, si dhe thjeshtësimit të shërbimeve në kufij. Gjithashtu u ra dakord për organizimin e një mbledhjeje të ministrave të Transportit të rajonit në Tiranë gjatë muajit shkurt të vitit të ardhshëm.

LEAVE A REPLY

Please enter your comment!
Please enter your name here