Home Aktualitet Obama, mesazh urimi Nishanit per festen e Pavaresise

Obama, mesazh urimi Nishanit per festen e Pavaresise

303
0

202914Presidenti i Shteteve të Bashkuara të Amerikës, Barak Obama ka uruar Presidentin e Republikës së Shqipërisë, Bujar Nishanin me rastin e festës së Pavarësisë.

Në një mesazh urimi, Obama ka uruar të gjithë popullin shqiptar, duke e konsideruar këtë festë si një rast reflketimi mbi partneritetin e fortë e të qëndrueshëm që kanë SHBA-të dhe Shqipëria. Obama shton se SHBA-të mbeten të përkushtuara për të ndihmuar Shqipërinë që të përparojë në rrugëtimin e saj drejt integrimin të plotë Euro-Atlantik.

“U jam mirënjohës kontributeve të Shqipërisë në drejtim të rritjes së paqes dhe qëndrueshmërisë në Ballkan si dhe anembanë botës. Ato përfshijnë edhe ndihmesën e vlefshme të Shqipërisë si pjesëtare e Koalicionit Ndërkombëtar që lufton ISIS-in dhe kundër ekstremizmit të dhunshëm në rajonin e Ballkanit. Unë pres që në këtë drejtim dhe në shumë fusha të tjera të rëndësishme, ta thellojmë bashkëpunimin tonë gjatë viteve në vazhdim” shkruan në urimin e tij Presidenti Obama.

Ja urimi i tij i plotë.
Ju shpreh urimet më të mira për ju dhe popullin shqiptar edhe në emër të popullit amerikan me rastin e 28 Nëntorit, Ditës suaj të Pavarësisë.

Ky shënon edhe një rast për të reflektuar mbi partneritetin e fortë dhe të qëndrueshëm që gëzojnë Shtetet e Bashkuara të Amerikës dhe Shqipëria, ashtu siç u nënvizua edhe nga nënshkrimi në prill i Partneritetit Strategjik Sh. B. A. – Shqipëri. Shtetet e Bashkuara të Amerikës mbeten të përkushtuara për të ndihmuar Shqipërinë që të përparojë në rrugëtimin e saj drejt integrimin të plotë Euro-Atlantik.

U jam mirënjohës kontributeve të Shqipërisë në drejtim të rritjes së paqes dhe qëndrueshmërisë në Ballkan si dhe anembanë botës. Ato përfshijnë edhe ndihmesën e vlefshme të Shqipërisë si pjesëtare e Koalicionit Ndërkombëtar që lufton ISIS-in dhe kundër ekstremizmit të dhunshëm në rajonin e Ballkanit. Unë pres që në këtë drejtim dhe në shumë fusha të tjera të rëndësishme, ta thellojmë bashkëpunimin tonë gjatë viteve në vazhdim.
Edhe njëherë, ju shpreh urimet e mia ndërsa ju kremtoni këtë ditë të gëzuar!

Previous articlePilotet turq paralajmerojne avionin rus para se ta qellonin (Video)
Next articleKina-Shqiperise: Mbeshtetje infrastruktures portuale dhe bujqesise

LEAVE A REPLY

Please enter your comment!
Please enter your name here