Home Politike Milva Ekonomi, ministrja e re e Ekonomise

Milva Ekonomi, ministrja e re e Ekonomise

172
0

milva-ekonomi-620x326Largimi i Arben Ahmetajt nga Ministria e Ekonomisë, për të marrë drejtimin e Ministrisë së Financave, i ha hapur rrugën hyrjes së një ministreje në kabinetin qeveritar.Milva Ekonomi është emëruar në postin e ministres së Zhvillimit Ekonomik, Turizmit, Tregtisë dhe Sipërmarrjes.Ekonomi ka mbajtur më parë postin e zëvendësministres së Shëndetësisë dhe për disa kohë është komanduar në krye të Fondit të Sigurimeve të Detyrueshme të Kujdesit Shëndetësor.

Jetëshkrimi i Milva Ekonomit

(marrë nga faqja zyrtare e Ministrisë së Shëndetësisë)

Zonja Milva Ekonomi  ka lindur në Tiranë në vitin 1962 dhe është  nënë e dy vajzave.

Ka kryer studimet e larta në Statistikë dhe Ekonomi nga Universiteti i Bujqësisë, dhe një Master në Administrim Biznesi ( MBA ) nga Universiteti i Tiranës. Ka kryer gjithashtu edhe formime të avancuara në fushën e statistikave ekonomike dhe sociale si dhe të menaxhimit në Byronë e Statistikave të Punës (SHBA), Eurostat (Luxemburg), Istat (Itali).

Ka shërbyer si drejtoreshë e Përgjithshme e Institutit të Statistikave të Shqipërisë  gjatë periudhës 1994-2005, duke kryer një sërë detyrash që lidheshin me ngritjen dhe institucionalizimin e statistikave zyrtare në vend.

Ka kryesuar Komisionin Kombëtar të Nomenklaturave dhe ka qenë për dy mandate anëtare e Byrosë së Konferencës së Staticienëve Evropianë KEE/OKB. Në vitin 2006, ajo zgjidhet anëtare e panelit të ekspertëve të projektit “PARIS 21” (OECD), ku punon mbi lidhjen e statistikave zyrtare me të drejtat e njeriut.  Punon në këtë projekt deri në fund të dhjetorit 2007.

Më pas ajo u përfshi si eksperte kyçe në Agjencinë Evropiane për Rindërtim (EAR) në Kosovë, në projektin mbi Mbështetjen në Sistemin Statistikor dhe Përgatitjen e Regjistrimit të Popullsisë në Kosovë  2007 – 2008.

Dha kontributin e saj si Këshilltare Afatgjatë e Statistikave Suedeze (Sida) në Agjencinë e Statistikave të Kosovës, ku punoi  gjatë viteve 2008 – 2013, në hartimin e legjislacionit statistikor dhe ndërtimin e Programit Zyrtar të Statistikave Kombëtare. Ajo gjithashtu ka punuar në projekte të ndryshme me Agjencitë e OKB-së dhe organizatave të tjera ndërkombëtare si Eurostat, ILO, UNODC, World Bank, Dfid, dhe FMN.

Ajo është anëtare e Institutit Ndërkombëtar të Statistikave (ISI) dhe Shoqatës Staticienëve të Ballkanit.
Ajo është një nga themeluesit e institutit “Agenda”, një qendër kërkimesh ekonomike dhe sociale e themeluar në qershor të vitit 2006 në Tiranë.

Përgjatë viteve, ajo ka dhënë kontributin e saj në lëvizjen e gruas në Shqipëri duke qenë aktiviste në shumë nisma, por gjithashtu edhe në aksione të shoqërisë civile. Ajo ka shërbyer edhe si anëtare e Këshillit Bashiak të Tiranës për periudhën 2000-2011.

Ka qenë lektore në Universitetin e Tiranës, Universitetit Bujqësor  si dhe në Universitetin “Zonja e Këshillit të Mirë”.

Ajo ka shkruar disa botime në nivel kombëtar dhe ndërkombëtare në fushën e statistikave, zhvillimit social dhe ekonomik, si dhe të përkatësisë  gjinore. Zotëron shumë mirë gjuhën angleze dhe italiane si dhe njeh gjuhën franceze.

LEAVE A REPLY

Please enter your comment!
Please enter your name here