Ish-truproja e Azem Hajdarit dhe kreu aktual i shoqatës me të njejtin emër, Marjan Gryka, në intervistë për gazetën “Shqiptarja.com” akuzon dyshen drejtuese të PD, Basha-Berisha si klani që ka organizuar vrasjen e deputetit të PD, njëherësh dhe kandidatin për kreun e kësaj partie, Sokol Olldashi i cili humbi jetën në një aksident automobilistik muaj më parë. Madje ai thotë se është pikërisht ky klan që kërcënon të gjithë mbështetësit e tij dhe zërat kundër, duke kërkuar që të heshtet.
Njëherësh Gryka zbulon se Olldashi u kërcënua me jetë, pasi në dorë kishte dosje kompromentuese ndaj kupolës së PD për ndërtime pallatesh me para droge në Durrës, Tiranë dhe Shkodër, ndërsa kërkon që të zbardhen tabulatet e bisedave të tij me kërcënuesit. Ai flet për vrasjen e Hajdarit dhe për tentativën e marrjes peng të ish-kryeministrit Ilir Meta në Tropojë nga Berisha përmes deputetit të asaj kohe Azgan Haklaj.
