Home Aktualitet Kreu i SHISH, Ajazi: Nuk ka prova qe implikojne FA ne trafik...

Kreu i SHISH, Ajazi: Nuk ka prova qe implikojne FA ne trafik droge

125
1

Visho-Ajazi-LikaKreu i SHISH, Visho Ajazi Lika mohon trafikun e drogës nga Forcat e Armatosura, ndërsa i kërkon aktorëve politikë në vend të mos e përdorin politikisht këtë çështje, dhe të mos cënojnë punën e këtij institucioni. Në një reagim për mediat, institucioni i SHISH thekson se nuk ka prova për trafik droge nga ushtria shqiptare.
 
Duke u shprehur i shqetësuar për valën e spekulimeve mediatike e politike “për një informacion të klasifikuar të këtij shërbimi”, Ajazi thekson se “Puna e SHISH është t’u përcjellë autoriteteve të larta, në formë të klasifikuar, informacione jo vetëm mbi çdo fakt të vërtetuar, por edhe mbi çdo dyshim të arsyeshëm që gjykohet se mund të vlejë për të ndaluar apo parandaluar fenomene ose ngjarje të rrezikshme për sigurinë e vendit”.
 
SHISH u ka kërkuar organeve të drejtësisë të vendosin para ligjit burimet e dekonspirimit të informacionit të klasifikuar, ndërsa u bën apel mediave dhe politikës që, për interesat e ditës, të mos dëmtojnë punën e institucionit dhe interesat e vendit, duke e siguruar publikun se informacioni në këtë rast nuk lidhet me përfshirjen e asnjë strukture shtetërore.

REAGIMI I PLOTË I SHISH
Shërbimi Informativ Shtetëror shprehet tejet i shqetësuar për valën e spekulimeve mediatike e politike lidhur me një informacion të klasifikuar të këtij shërbimi, me të cilin po abuzohet në dëm të punës sonë e të interesit të vendit tonë përmes një publikimi të paligjshëm në media.
 
Ky informacion jo vetëm nuk përmban asnjë fakt të vërtetuar nga ne, lidhur me trafikimin e drogës përmes infrastrukturës ushtarake, por po shpërdorohet mediatikisht në një formë krejt të papranueshme që cënon drejtpërdrejt punën dhe imazhin e Shërbimit Informativ të Shtetit.
 
Puna e SHISH është t’u përcjellë autoriteteve të larta, në formë të klasifikuar, informacione jo vetëm mbi çdo fakt të vërtetuar, por edhe mbi çdo dyshim të arsyeshëm që gjykohet se mund të vlejë për të ndaluar apo parandaluar fenomene ose ngjarje të rrezikshme për sigurinë e vendit.
 
SHISH u bën apel mediave dhe politikës që, për interesat e ditës, të mos dëmtojnë punën e institucionit dhe interesat e vendit, duke e siguruar publikun se informacioni në këtë rast nuk lidhet me përfshirjen e asnjë strukture shtetërore, si dhe duke u kërkuar organeve të drejtësisë të vendosin para ligjit burimet e dekonspirimit të informacionit të klasifikuar.
 
Drejtori i Shërbimit Informativ Shtetëror 

1 COMMENT

  1. Valle SHISH a do kete njohuri per femrat qe prostituojne neper shtepite publike dhe trotuaret e Athines dhe per favorizuesit e ketij fenomeni qe eshte ne permasa gjigande.A ka njohuri SHISH se prostitutat shqiptare ne Greqi zene 50% te numrit te pergjithshem te prostitutave?Sigurisht qe po perderisa kallauzet qe marrin fitimin jane te aferm apo miq edhe te funksionarve shteterore e deri parlamentarve shqiptar.Perderisa keto i njohin njerezit e thjeshte ska mundesi qe SHISH apo organet e tjera kopetente te mos kene dijeni.

LEAVE A REPLY

Please enter your comment!
Please enter your name here