Home Politike KE kushte Turqisë për lëvizjen pa viza

KE kushte Turqisë për lëvizjen pa viza

395
0

1462258038refugjateKomisioni Europian do t’i ofrojë Turqisë një marrëveshje me kushte për të udhëtuar pa viza në zonën Schengen. Kështu shkruan BBC që citon burime konfidenciale.

Lëvizja është pjesë e marrëveshjes në kuadër të të cilës Turqia ka rënë dakord për të marrë mbrapsht emigrantët që kanë kaluar detin Egje për në Greqi.

Por Turqia duhet ende të plotësojë kriteret e BE-së dhe marrëveshja të aprovohet nga Parlamenti Europian dhe shtetet anëtare. Unioni druhet se pa një marrëveshje për heqjen e vizave, Turqia nuk do ta kontrollojë emigracionin.

Numri i madh i emigrantëve dhe refugjatëve që mbërrijnë në Evropë nga Turqia dhe më parë nga Afrika e Veriut ka shkaktuar një krizë politike në radhët e vendeve anëtare të BE-së. Një njoftim zyrtar nga Komisioni Evropian pritet të jepet ditën e mërkurë.

Në bazë të marrëveshjes BE-Turqi, emigrantët që kanë mbërritur ilegalisht në Greqi që prej 20 marsit pritet të kthehet mbrapsht në Turqi nëse nuk aplikojnë për azil apo nëse apeli i tyre refuzohet.

Për çdo emigrant sirian të kthyer në Turqi, BE do të marrë një tjetër sirian që ka bërë kërkesë legjitime për azil.

Grupet e të drejtave të njeriut vënë në pikëpyetje ligjshmërinë e marrëveshjes dhe argumentojnë se Turqia nuk është një vend i sigurtë ku të kthehen njerëzit.

Gjithësesi, muajin e kaluar presidenti i Këshillit të Evropës, Donald Tusk deklaroi se marrëveshja kishte nisur të jepte rezultatet e para.

Previous articleBylykbashi: Qeveria lidhur kokë e këmbë me krimin
Next articleRama: Stadiumi i Shkodres, nje impiant spektakolar

LEAVE A REPLY

Please enter your comment!
Please enter your name here