Home Shendetesi ISHP: Kujdes nga mushkonjat, perhapin semundje

ISHP: Kujdes nga mushkonjat, perhapin semundje

560
0

Instituti i Shëndetit Publik, në këto ditë përvëluese korriku, u bën apel qytetarëve që të bëjnë kujdes nga mushkonjat dhe minjtë. Silva Bino, shefe e epidemiologjisë në ISHP, u bën thirrje të gjitha komunave dhe bashkive përfshirë dhe kryeqytetin, të bëjnë  dezinsektimin e territorit që administrojnë, pasi vihet re shtim i insekteve dhe vektorëve të tjerë që përhapin sëmundjet infektive. “Është një proces i lënë tërësisht pas dore nga pushteti lokal. Jemi përpjekur t’i tregojmë pushtetit lokal se sa i rëndësishëm është për menaxhimin e një qyteti apo të komuniteteve, sepse është pjesë shumë e rëndësishme e jetesës së shumë njerëzve. Ka lidhje me bezdinë që krijojnë këto insekte, ka lidhje me transmetimin e sëmundjeve, pra ka lidhje me një seri që e bëjnë jetesën të vështirë dhe jo të durueshme”, – ka deklaruar Bino. Më tej ajo ka rikujtuar edhe rastin e vjetshme, të qarkullimit të mushkonjës tigër apo të etheve të Nilit, që ekzistojnë pikërisht pasi pushteti lokal nuk e bën procesin e dezinfektimit.

LEAVE A REPLY

Please enter your comment!
Please enter your name here