Home Aktualitet Hyn në fuqi amnistia, falen 900 të dënuar

Hyn në fuqi amnistia, falen 900 të dënuar

521
0

burgPlot 900 të dënuar dhe të paraburgosur pritet të lënë përgjatë ditës së sotme qelitë e burgjeve dhe paraburgimeve në vend, për shkak të hyrjes në fuqi të ligjit për amnistinë. “Përfitimi nga ky ligj është tërësor ose i pjesshëm. Nga zbatimi i tij është përllogaritur se fitojnë lirimin e menjëhershëm rreth 900 të dënuar dhe të paraburgosur. Ndërsa ulje dënimi përfitojnë të gjithë të dënuarit në sistemin e ekzekutimit të vendimeve penale”, – tha Ersejla Murati, zëdhënëse e Drejtorisë së Përgjithshme të Burgjeve.

Ky institucion deklaroi se ka marrë të gjitha masat për të garantuar zbatimin pa probleme dhe mbarëvajtjen e këtij procesi në të gjitha burgjet dhe paraburgimet në vendin tonë. Në mesin e të liruarve do të jenë dhe 35 gra të dënuara, ose thënë ndryshe, më shumë se gjysma e grave që ndodhen në burgun “Ali Demi” në Tiranë.

Sipas ligjit, plotësojnë kriteret për të lënë qelitë, të gjithë të dënuarit të cilëve u kanë mbetur deri në 3 vite burg për të vuajtur, personat e dënuar me kusht apo me gjobë, apo personat për të cilët gjykata ka caktuar një nga llojet e alternativave të dënimit me burgim, për dënime të dhëna deri në datën 30 nëntor 2013, pavarësisht kohës së mbetur nga dënimi; personat e dënuar me vendim të formës së prerë, me kusht, me gjobë, apo personat për të cilët gjykata ka caktuar një nga llojet e alternativave të dënimit me burgim; personat e dënuar me burgim, të cilëve, në datën 30 nëntor 2013, u kanë mbetur pa vuajtur nga ky dënim deri në 3 vjet, me përjashtim të personave të dënuar për veprat penale të parashikuara në nenin 4 të këtij ligji; të dënuarat femra, që në datën 30 nëntor 2013 janë baras ose mbi moshën 55 vjeçe; të dënuarit meshkuj, që në datën 30 nëntor 2013 janë baras ose mbi moshën 60 vjeç; të dënuarit me burgim, të cilët, në kohën e kryerjes së veprës penale, kanë qenë baras ose nën moshën 18 vjeç. Në të gjitha rastet përjashtohen të dënuarit për krime të rënda.

LEAVE A REPLY

Please enter your comment!
Please enter your name here