Home Lifestyle Françeska e “BB” në makinë me të kërkuarin nga policia

Françeska e “BB” në makinë me të kërkuarin nga policia

123
0

Të shtunën e një jave më parë, pikërisht në ditën kur ndoshta Françeska, ish-banore e “Big Brother 5″, mund të jetë shfaqur në gazetat e fundjavës duke pushuar me “të dashurin” e saj Ermalin, është parë në qytetin e Vlorës me një tjetër “Ermal”, vetëm se jo në kushte shumë të mira pushimesh.

Deri sa pa dalë nga makina e tipit “Benz”, askush nuk do të mësonte se ndodhej brenda saj. Por me të parë makinën e policisë që i ishte vënë nga pas djalit me të cilin ajo gjendej në makinë, Init, ka hapur derën e makinës dhe është larguar duke vrapuar në drejtimin tjetër të rrugës. Ngjarja ka ndodhur në afërsi të kinoteatrit “Petro Marko”, në Vlorë, godinë pranë së cilës, babai i djalit që është ndjekur nga Policia, ka edhe një lokal që mban emrin e të birit.

Françeska Jaçe ka qenë me flokë të lëshuar, e veshur me një fustan me lule kur është drejtuar për nga rrugicat që gjenden përballë kinoteatrit, aty ku gjendet një tjetër lokal dykatësh, për t’i shpëtuar gjurmëve të policisë, apo qoftë edhe syve të kureshtarëve që për shkak të temperaturave, nuk ishin të shumtë.

Sipas burimeve jo zyrtare, thuhet se në kohën kur Françeska ka dalë nga makina, nuk e ka bërë vetëm për të shpëtuar veten, por edhe sepse shoku i saj i ka futur në çantë një pistoletë, e cila nuk duhet të binte në dorë të policisë. Vajza duket se nuk është bindur dhe e ka hedhur sërish pistoletën në makinë, përpara se të largohej. Në kohën kur policia mbërriti pranë makinës, duke kapur edhe personin që gjendej në të, ajo u kthye sërish, duke qëndruar tashmë në distancë, nga ana tjetër e rrugës ku ndodhte ngjarja, për të parë ecurinë e veprimeve.

Pasi policia është larguar bashkë me të kapurin për të cilin nuk kemi informacion për shkaqet apo se si kanë vijuar më tej ngjarjet, edhe Françeska është larguar duke vijuar ecjen e vetme në rrugë.

Previous articleRikthehen temperaturat e larta deri 40 grade
Next articleJessica Biel dhe Justin Timberlake martohen në fund-javë

LEAVE A REPLY

Please enter your comment!
Please enter your name here