Home Sport Elvis Kabashi: “Jam penduar që refuzova Kombëtaren”

Elvis Kabashi: “Jam penduar që refuzova Kombëtaren”

154
0

elvis_kabashiElvis Kabashi është penduar për letrën dërguar FSHF-së në mars, me të cilën kërkonte që mos të thirrej më nga Kombëtarja. Mesfushori shqiptar i Juventusit thotë se është përlotur gjatë ndeshjes së Shqipërisë kundër Norvegjisë dhe ka kërkuar që të rikthehet sërish në Kombëtare.

“Tani kuptoj pse më keni quajtur tradhtar”, shkruan Kabashi. Edhe unë, si çdo shqiptar, e ndjek, e shoh dhe e adhuroj kombëtaren shqiptare. Të gjithë mund të gabojnë dhe gabimi im më i madh ishte ajo letër drejtuar FSHF-së.

Jam përlotur para ndeshjes me Norvegjinë, kam qarë nga fjalët e komentatorit, jam drithëruar nga ajo tifozeri e mrekullueshme dhe atë ditë kam marr një vendim shumë të rëndësishëm. Kam vendosur të rikthehem në kombëtaren shqiptare dhe ju lutem më bëni një vend aty pranë jush e më mbështesni, ashtu si kombëtaren. Mos më quani më tradhtar, sepse më vret shumë ajo fjalë”, ka shkruar Kabashi në faqen e vet zyrtare në Facebook.

Tashmë shihet nëse FSHF do të pranojë pendesën e tij dhe do ta grumbullojë sërish, duke qenë se ajo ka miratuar një vendim, sipas të cilit, askush nuk do të grumbullohet më me Kombëtaren, nëse e refuzon një herë atë.

Por, duke parë moshën e re të Kabashit dhe vlerat e tij, FSHF ndoshta duhet ta mendojë mirë vendimin që ka marrë, duke qenë se bëhet fjalë për një futbollist me potencial të madh, i cili është titullar tek të rinjtë e Juventusit, një prej ekipeve më të forta në Europë.

Previous articleMatura Shteterore, lista e notave te provimit te letersise
Next articleVrasje ne qender te Elbasanit, 1 i vdekur dhe 1 i plagosur

LEAVE A REPLY

Please enter your comment!
Please enter your name here