Home Kulture Ben Blushi, fitues i çmimit letrar ‘European Union Prize for Literature’

Ben Blushi, fitues i çmimit letrar ‘European Union Prize for Literature’

215
0

Otello,_Arapi_i_Vlorës Ben Blushi është fitues i çmimit letrar ‘European Union Prize for Literature’. Një titull që u jepet autorëve më të mirë të rinj në Europë. Këtë vit atë e fituan edhe 12 shkrimtarë të tjerë. Por kjo është hera e parë që ky çmim i jepet një autori shqiptar. Blushi u nderua me këtë çmim për librin “Otello, Arapi i Vlorës”. Fituesi u shpallën në panairin e librit, në Frankurt “Frankfurt Book Fair”.
Ceremonia zyrtare do të bëhet në Bruksel, më 18 nëntor dhe çmimet do të ndahen nga Komisionerja e BE –së për Kulturën.

Konkurimi për këtë çmim është i hapur për vendet që marrin pjesë në “Europe Creative”, një program financimi për sektorët kulturorë dhe krijues të BE –së. Çdo vit, juritë kombëtare në një të tretën e vendeve, -13 juri kësaj here- emërojnë autorët fitues.

Komisionerja e BE –së për Edukimin, Kulturën dhe Rininë tha se “ky çmim u dedikohet autorëve të rinj të Europës, pavarësisht se nga vijnë apo gjuhës që flasin. Qëllimi është shfaqja e literaturës më të mirë bashkëkohore, nxitja e shitjeve ndërkufitare dhe promovimi i përkthimit, publikimit dhe leximit të literaturës së vendeve të tjera.

Për herë të parë, ky çmim është dhënë në vitin 2009.

Në faqen zyrtare të European Union Prize of Literature, në internet, dhënia e çmimit shoqërohet edhe me një biografi të autorit shqiptar, Ben Blushi. Theksohet fakti se me librin “Otello, Arapi i Vlorës, Blushi u shpall Autori i Vitit, në Panairin e Librit në Tiranë, në vitin 2009. Ky është botimi i dytë i Blushit. Ai ka botuar edhe romanet “Të jetosh në ishull” dhe “Shqipëria”, ndërsa këtë vit botoi esenë “Hëna e Shqipërisë”.

Previous articleGjigandi amerikan i teknologjise HP ndahet ne dy kompani te ndryshme
Next articleKanceri i gjirit, Ekonomi: Mamografë levizës për gratë në gjithë vendit

LEAVE A REPLY

Please enter your comment!
Please enter your name here