Një nga prezantuesit më të dashur shqiptar, Ardit Gjebrea ka festuar ditëlindjen në një mënyrë më të pazakontë, pasi nuk ka festuar në shtëpi apo Tiranë, por në Skrapar, ku ka marrë një tortë të madhe të punuar në Elbasan.
“E ndjej veten të bekuar për familjen që kam, për miqtë e shtrenjtë që ndjejnë gëzimet dhe hallet e mija. Ju jeni motiv i fortë të jetoj akoma”, ka thënë Arditi në festën e ditëlindjes, ku ishin të ftuar familjar, miq dhe gjithashtu figura të njohura, ndër ta edhe Ambasadori i SHBA-së në Shqipëri, Aleksandër Arvizu.
Në tortë nuk e kanë shkruar moshën, por nukë është e vështirë ta mësojmë se Gjebrea ka mbushur 50 vjeç. Prezantuesi Gjebrea është i martuar dhe siç thotë, i lumtur me gruan e tij Anilën. Ai është baba i dy fëmijëve, Jonit dhe Annës. Muaji maj, ka qenë muaji frymëzues për Gjebrean. Ai është ndeshur me suprzia dhe çaste të gëzuara jo vetëm në familje, por edhe në punën e tij, e cila duket se vijon t’i japi kënaqësi.
