Ambasadori amerikan Lu ka luajtur me faktin se ai di mirë shqip dhe këtë e ka shfrytëzuar që po në këtë gjuhë t’ua shpjegojë gjyqtarëve të korruptuar, se cili është koncepti i tij për korrupsionin. Duke iu drejtuar me gisht, pikërisht atyre që Lu i cilësoi si të korruptuar, ambasadori amerikan tha:
“Nëse keni marrë ndonjëherë para apo favore në këmbim të një vendimi, jeni një gjyqtar i korruptuar, edhe nëse e ke bërë këtë një herë, ke thyer ligjin dhe nuk je i përshatatshëm për këtë profesion. Nëse ulni kokën dhe shihni kycin e dorës, nëse mbani një orë që kushton më shumë se makina ime, jeni një gjyqtar i korruptuar. Dhe nëse ky është rasti ju sugjeroj ta lini profesionin menjëhere, mund edhe të futeni në burg shumë shpejt. Për gjyqtarët e ndershëm i them: Kini besim, ndryshimi po vjen”.
“Në emisionin Portokalli thanë se unë dujet të flas më shumë në gjuhën angleze, kështu që sot do vazhdoj në gjuhën angleze’,- kështu e nisi fjalën e tij Lu.
Teksa tha për gjyqtarët e korruptuar se shumë prej tyre s’do ta përkufizonin veten të tillë, ndaj edhe bëri shpjegimin sipas asaj që ai kupton për korrupsionin.
