Dy bashkëshortë kanë gjetur vdekjen ditën e sotme në ujërat e lumit Shkumbin. Në mënyrë aksidentale ata janë mbytur në ujërat e e këtij lumi, nga ku nuk kanë mundur të dalin dot prej andej.
Rexhep dhe Saje Shehu, përkatësisht 67 dhe 49 vjeç, janë mbytur sot në Shkumbin nga pakujdesia. Ngjarja ka ndodhur në komunën Tërbuf, ku kanë qenë banorët e zonës ata që kanë informuar policinë për vdekjen e dy bashkëshortëve.
Sipas policisë mësohet se dy bashkëshortët kanë shkuar në lumë për t`u freskuar, por rrjedhja e ujit që ka qenë tepër e fortë dhe më shumë ujë i ka tërhequr ata, duke i shkaktuar edhe vdekjen fatale. Trupat e tyre janë transportuar për në morgun e qytetit të Lushnjes.
