HYRJE Sport Finalja e Champions, Reali shkaterron Juventusin dhe hyn ne histori

Finalja e Champions, Reali shkaterron Juventusin dhe hyn ne histori

0
120

Real Madrid zë vend në histori  pasi fiton për të dytin vit radhazi trofeun e Champions League, dhe të 12-in në të gjithë historinë e klubit.

Madrilenët dominuan plotësisht finalen përballë Juventus, me gola të Cristiano Ronaldos i cili shënoi dopietë në këtë takim, Casemiros i cili shënoi golin e epërsisë 2:1 kur rezultati ishte i barabartë dhe talentit Asensio në fundin e takimit.

Ndeshja
Pavarësisht se të besuarit e Allegrit ishin më kërkues në minutat e para të sfidës, goli i avantazhit u shënua nga Reali me anë të Ronaldos në minutën e 20, pas një kombinimi në zonë me Carvajal. Por Juventus reagon shpejt dhe barazon shifrat me një supergol të Madzukiç në të 27’.

Pjesa e parë mbyllet me këtë rezultat, ndërkohë që 45 minutat e dyta të ndeshjes flasin plotësisht për “galaktikët”.

Casemiro gjuan fort nga distanca në të 61’, duke mos i lënë asnjë mundësi Buffon për të devijuar atë top. Stadiumi shpërthen në festë dhe ata që festojnë janë spanjollët.

Goli i tretë dhe i sigurisë për ekipin e Zidane vjen në të 63’ me Ronaldon i cili devijon saktë në rrjetë një top të krosuar nga Modriç. 3:1 dhe festa është e gjitha për kampionët në fuqi.

Goli i katërt për Realin vjen në minutën e ’90 kur Asensio mposhti sërish Buffon, falë edhe epërsisë numerike pas Cuadrado u ndëshkua me karton të kuq në minutën e 84.

Pas kësaj fitoreje, Real Madrid nënshkruan historinë e Champions League, duke ngritur për të dytin radhazi trofeun më të rëndësishëm futbollistik për klube dhe trofeun e 12-ë në historinë e klubit spanjoll.

Ndërsa nga ana tjetër, Juventus nuk ia del sërish dhe firmos rekordin e zi të finaleve të humbura në Champions League, duke llogaritur plot 8 të tilla, kundrejt dy të fituara disa dekada më parë.

Pjesa e parë 1:1
Të parët kaluan në avantazh kampionët në fuqi me anë të Cristiano Ronaldo në minutën e 20. Por përgjigja e Juventus nuk vonoi, të cilët ekuilibruan shifrat brenda 7 minutave.

Mario Madzukiç në të 27′ iu përgjigj me një super gol avantazhit të Ronaldos.

Portugezi shënoi lehtësisht në portën e Buffon në minutën 20 të takimit pas një kombimi në zonë me Daniel Carvajal.

Goli i madrilenëve erdhi në momentin më të mirë për italianët, të cilët vunë në disa raste në vështirësi portën e Navas, por pa arritur të gjejnë rrugën e rrjetës.

Por Juventus reagoi shpejt dhe ekuilibroi gjithçka me rrofeshatën e sulmuesit kroat.

Pjesa e parë e takimit u mbyll me shifrat 1:1.
Zidane: S’jam gjeni, Buffon: E merituan
Real Madrid mposht Juventusin dhe fiton Champions League për herë të 12-të në histori duke u bërë i pari ekip që e fiton dy vite radhazi.

Në finalen e madhe të luajtur në Cardiff pati spektakël dhe Real u tregua shumë i fortë për bardhezinjtë.

Me golat e Ronaldo dhe Mandzukiç në barazim u mbyll pjesa e parë ndërsa 45 minutat e dyta i dominoi skuadra e Zidane që shënoi edhe tre gola të tjerë me Casemiro, Ronaldon dhe Asensio.

Kapiteni Sergio Ramos ngriti në qiell trofeun e 12-të për Los Blancos ndërsa lot pati tek juventinët që finalet i kanë makth.

Festa e gjitha për madrilenët në stadiumin “Millenium” ndërsa trajneri Zidane deklaron pas ndeshjes se nuk është gjeni edhe pse ne dy vite i ka dhënë Realit dy Champions.

“Kemi punuar shumë për të fituar La Liga-n dhe Championsin por kur ke lojtarë të mëdhenj është më e lehtë. Në 45 minutat e dyta i dominuam”, deklaroi Zidane.

Njeriu i ndeshjes, autori i dy golave Ronaldo që po shkon drejt fitimit të Topit të Pestë të Artë u shpreh: “Kemi zhvilluar një fund sezoni fantastik me fitimin e La Liga-s dhe tani Championsit, po jetoj një moment unik në karrierë”, e mbyll Ronaldo.

Ndërsa legjenda e Juventusit, portieri Buffon mes lotësh ka thënë: ”Është një zhgënjim i madh. Luajtëm mjaft mirë në pjesën e parë ndërsa në të dytët Reali arriti të tregonte cilësitë e tij dhe e fitoi me meritë trofeun”, sqaron Buffon.

Real Madrid shndërrohet në legjendë me Championsin e 12-të dhe të dytën radhazi ndërsa Juve konfirmohet humbëse e madhe pasi në 10 finale të luajtura ka fituar vetëm 2 dhe ka humbur 8 të tilla.

Ora 22:30 Reali shënon edhe golin e katërt me Asensio

Ora 22:20 Cuadrado ndëshkohet me karton të kuq, lë Juventus me 10 lojtarë

(Cuadrado ndëshkohet me karton të kuq)

Ora 22: 07 Çmenduri në “Millenium Stadium” Reali shënon golin e tretë
Cristiano Ronaldo shënon golin e dytë personal në këtë finale dhe të tretin për Real Madrid të cilët udhëheqin finalen 3:1 në këto momente.

Ora 22: 05 Real shënon golin e dytë me anë të Casemiro

Ora 21:50 Nis pjesa e dytë e finales së Champions
Nuk ka ndryshime në formacionet e dy ekipeve.

Ora 21: 33 Mbyllet pa fitues pjesa e parë e finales Juventus- Real Madrid

Ora 21: 17 Juventus barazon me një supergol të Madzukiç

Ora 21:10 Shënon Real me anë të Ronaldo
Goli i avantanzhit për Realin vjen në momentin më të mirë për Juventus, të cilët rrezikuan në minutat e para portën e Navas, duke e vënë jo pak në vështirësi kampionët në fuqi.

Ora 21:05 Minuta të mira për Juventus, në vështirësi Navas
Juventus duket më kërkuese në këto minuta të para ndaj Real Madrid.

Ora 20:45 Nis finalja e Champions Juventus-Real Madrid
Ka startuar finalja e Champions League, Juventus – Real Madrid në Millenium Stadium të Cardiff-it, në Uells.

“Galaktikët” do tentojnë të përsërisin suksesin e vitit të kaluar ndaj Atletico Madrid në “San Siro” kur dhe “rrëmbyen” kupën e 11.

Në rast fitoreje sonte në “Millenium Stadium” të Uellsit në Britaninë e Madhe, Real Madrid do siguronte trofeun e 12 në histori dhe trofeun e dytë sezonal pas kampionatit.

Nga ana tjetër, me jo pak pretendime vijnë edhe kampionët e Italisë të cilët do tentojnë tripletën e sezonit dhe kupën e tretë të Champions në historinë e ekipit verdhezi. Për Juventus do ishte rikthim te trofeu pas 21 vitesh, pasi kanë humbur jo pak, por 7 finale.

Të dy ekipet nuk kanë mungesa për këtë takim, përveç Gareth Bale i cili do ta nisë nga stoli.

Finalja e Champions-it startoi në orën 20:45, në stadiumin “Millennium Stadium” të Cardiff.

Ora 20:10 Dalin formacionet zyrtare, Bale e nis nga stoli

Formacionet Zyrtare:

Juventus: Buffon, Chiellini, Bonucci, Barzagli, Alex Sandro, Khedira, Pjaniç, Dani Alvesh, Dybala, Mandzukic, Higuain.

Real Madrid: Navas, Carvajal, Ramos, Varane, Casemiro, Modric, Kroos, Marcelo, Isco, Ronaldo, Benzema.

Përgjigju

Please enter your comment!
Please enter your name here