Vetëdorëzohet në policinë e Vlorës Andon Mëhillaj, i dyshuar si njëri prej ndërmjetësve të një sërë krimesh me pagesë të kryera nga Julian Sinanaj.
Mëhillaj është vetëdorëzuar në polici rreth orës 09:30 minuta pas negociatave të familjarëve. Mëhillaj ka mohuar të ketë lidhje me vrasjet me pagesë të Julian Sinanajt por dhe me atentatet me eksploziv.
ORA 10:24 AVOKATI: ANDON MËHILLAJ ISHTE FSHEHUR NË VLORË
Avokati i Andon Mëhillajt, Edmond Dëmaj ka deklaruar se, klienti i tij është vetëdorëzuar.
“Është një vetëdorëzim vullnetar. Bile është vonuar derisa të rregullonte familjarët e e tij. Ka lënë jashtë gruan dhe fëmijët e tij. Sa ka rregulluar fëmijët ka vendosur të dorëzohet në prokurorori për tu njohur me pretendimet”.
Sipas tij, Mëhillaj është dorëzuar “që të tregojë pozicionin e tij në ato ngjarje për të cilat akuzohet”.
“U vetëdorëzua për të qenë i pranishëm për të mbrojtur sa më mirë dhe për tu përballur me ata që por ai po përkeqësojnë. Andoni ka qëndruar në Vlorë gjatë kësaj kohe. Nuk është dorëzim nga frika por i ndërgjegjshëm”, ka treguar avokati Dëmaj.
AVOKATI: LIDHJA ME SINANAJ VETËM NË VRASJEN E SOKOL VEIZIT
Avokati mbrojtjës deklaron se Mëhillaj ka pasur lidhje me Sinanaj vetëm për vrasjen e Sokol Veizit por mohon të ketë qenë porositësi i vrasjes. Madje shton se pozicioni i tij në lidhje me këtë vrasje është rënduar nga shtypi.
“U vetëdorëzua për të qenë i pranishëm për t’u mbrojtur sa më mirë dhe për t’u përballur me ata që po ia përkeqësojnë pozitën e tij. E vetmja përfshirje që pranon se ka lidhje por që nuk është ashtu siç është shkruar në shtyp është vrasja e Sokol Veizit. Në lidhje me vrasjen e Sokol Veizit, është i vetmi kontakt që ka pasur. Nuk ka pranuar asnjëherë që ka qenë personi që ka urdhëruar vrasjen dhe nuk ka lidhje me asnjë ngjarje të tjera siç është thënë nga shtypi,” tha Avokati.
AVOKATI: ANDONI KA QENE I PERNDJEKUR NGA SINANAJ
“Ka pasur një periudhë kohë që janë zënë dhe Andoni ka qenë nën kërcënimin e Julianit. Bëhet fjalë për një ngjarje para dy vjetësh. Gjatë gjithë kësaj periudhe ka pasur ngjarje të tilla mes tyre mes të cilat Andoni ka qenë i përndjekur nga Juliani”, ka shtuar në fjalën e tij avokati Edmond Dëmaj.
ORA 09:41 VETEDOREZOHET NDERMJETESI I ATENTATEVE, ANDON MEHILLAJ
Vetëdorëzohet në policinë e Vlorës Andon Mëhillaj, i dyshuar si njëri prej ndërmjetësve të një sërë krimesh me pagesë të kryera nga Julian Sinanaj.
“Pas negociatave të familjarëve ka pranuar të vetëdorëzohet për të dhënë shpjegime dhe për të sqaruar pozicionin e tij në lidhje me akuzat si pjesëtar i bandës së tritolit por dhe si një prej ndërmjetësve të një sërë krimesh me pagesë të kryera nga Julian Sinanaj.”- informoi gazetari ynë nga Vlora.
Më 10 shkurt në oborrin e banesës së Andon Mëhillajt u vendos një sasi eksplozivi. Shpërthimi në oborrin e banesës së banesës së Andon Mëhillaj u shënua mesnatën e së dielës në lagjen 28 nëntori në Vlorë, por nuk pati të lënduar sepse familjarët e Mëhillajt janë larguar nga banesa në kohën kur ceshtja e bandës së tritolit u bë publike dhe kushurinjtë Mëhillaj u shpallën në kërkim.
Më 11 shkurt 2014, Andon Mëhillaj së bashku me kushëririn e tij Genis Mëhillaj u shpallën në kërkim ndërkombëtar. Fotot me të dhënat e tyre u vendosën në faqen zyrtare të Interpolit, me shënimin si persona të cilët kanë financuar dhe kryer akte terroriste.
Pak ditë më parë policia shqiptare publikoi fotot e tyre, si dhe vendosi një shpërblim prej 10.000 euro për këdo që do të informonte mbi vendndodhjen e tyre. – See more at: http://www.shqiptarja.com/home/1/dor-zohet-andon-m-hillaj-nuk-kam-t–b-j-me-vrasjet-e-sinanajt-200560.html#sthash.8Tdo9T7d.dpuf
