Home Ekonomi “Standard & Poor’s”: Ekonomia e qendrueshme

“Standard & Poor’s”: Ekonomia e qendrueshme

291
0

urlGjiganti ndërkombëtar i financave “Standard and Poor’s” konfirmoi notën “B+” për borxhin afatgjatë të Shqipërisë dhe notën “B” për borxhin afatshkurtër, duke e vlerësuar perspektivën e financave publike të vendit si të qëndrueshme.

“Ky vlerësim reflekton pikëpamjen tonë se, ecuria e qëndrueshme ekonomike dhe përmirësimi fiskal do të vazhdojnë, pavarësisht risqeve që mund të sjellin zgjedhjet e vitit 2017”, thuhet në argument.

Sipas “Standard and Poor’s”, rreziku i borxhit të lartë është zbutur nga marrëveshja me Fondin Monetar Ndërkombëtar, si dhe zgjatja e afatit mesatar të shlyerjes së këtij borxhi.

“Ne presim që borxhi publik të zbresë në 62% të prodhimit kombëtar, nga 72% që ishte në vitin 2015”, thuhet më tej në vlerësim.

Agjencia parashikon se rritja ekonomike do të vazhdojë të përmirësohet dhe mund të jetë mesatarisht 3.7 për qind në 4 vitet e ardhshme.

Sipas raportit, ekonomia do të përfitojë edhe nga Reforma në Drejtësi, që do të përmirësojë klimën e biznesit dhe mund të përshpejtojë procesin e anëtarësimit të vendit në Bashkimin Europian.

Rreziku i afërt, sipas “Standard and Poor’s” mbeten zgjedhjet, por qeveria është e pozicionuar më mirë sesa në vitin 2013 për t’i bërë ballë rritjes së deficitit buxhetor.

Previous articleMjetet ujore, Leli: Nuk e monitorojme dot detin
Next articleTirane, gjendet i pajete nje 17-vjecar

LEAVE A REPLY

Please enter your comment!
Please enter your name here