Një automjet ka shpërthyer rreth me lende eksplozive rreth orës 22:05 pranë “Rrugës së Kavajës” në Tiranë. Policia ka mbërritur menjëherë në vendngjarje dhe ka nisur hetimet. Policia bën me dije se mjeti i shpërthyer është tip “Fiat Punto” me targë AA501IC. Nuk raportohet për persona të lënduar. Motivet për ngjarjen ende nuk dihen.
Identiteti i pronarit të mjetit nuk bëhet i ditur. Ekspertet xheniere, efektivë të policisë gjyqsore dhe drejtuesit më të lartë te policise se Tiranes dhe prokurore ndodhen ne vendngjarje. Automjeti ka qene i parkuar ne nje rruge dytësore në zonen përballe xhamisë. Eksplozivi është vendosur në krahun e shoferit dhe nga shperthimi automjeti ka demtime të shumta. Fatmireëisht në kohën e shpërthimit nuk ka pasur kalimtarë në rrugë. Kanë qenë banorët e pallateve përreth ata që kanë telefonuar policinë pasi kanë degjuar zhurmën e shpërthimit.
Pas hetimeve paraprake mendohet se automjetit i është vendosur rreht 150-200 gram tritol. Mjeti dyshohet se u përket dy shtetasve Italianë .
Në po të njëjtën zonë ditën e sotme policia zbuloi një serial armësh dhe bombash me eksploziv të telekomanduar në banesen me qira të Juljan Sinanaj person që dyshohet se është autor i mbi 20 vrasjeve me pagesë si dhe veprave të tjera penale të rënda në shtetin grek.
