Home Aktualitet “Romano Port” e biznesmenit Piro Bare, drejt sekuestros

“Romano Port” e biznesmenit Piro Bare, drejt sekuestros

1032
0

piro-barePiro Bare, biznesmeni që u tentua të vritej duke përdorur një vrasës me pagesë, nga rivali i tij në biznesin e gazit Ilir Karçini, duket se ndodhet në vështirësi financiare, pasi një bankë e nivelit të dytë në Shqipëri, kërkon sekuestrimin e pasurisë së tij.

Në kulmin e tensionit, përfaqësuesit ligjorë të bankës i janë drejtuar me një kërkesë gjykatës së Tiranës, ku kërkojnë nga kjo e fundit nxjerrjen e urdhrit të ekzekutimit, lidhur me kontratën e kredisë që kompania “Romano Port” ka marrë në 24 dhjetor të vitit 2007.

Pikërisht kjo kontratë kredimarrje duket se nuk është respektuar nga biznesmeni i gazit Piro Bare, i cili nuk ka arritur të paguajë detyrimet financiare.

Sipas burimeve bëhet fjalë për disa muaj që kompania nuk ka arritur të shlyejë kredinë, megjithëse nga ana e bankës është njoftuar në mënyrë të vazhdueshme.

Për pasojë sektori juridik i bankës, i është drejtuar gjykatës së Tiranës, ku kërkon nxjerjen e një urdhëri ekzekutimi, me qëllim nisjen e procedurave të sekuestrimit të pasurisë së kompanisë “Romano Port” që administrohet nga biznesmeni Piro Bare.

KERKESA NE GJYKATE
Kërkesa e bankës është depozituar në sekretarinë e gjykatës së Tiranës, në datën 29 janar dhe se mban nr. 493. E paditur është kompania e gazit “Romano Port”, që zotërohet nga biznesmni Bare, dhe se objekti i padisë është lëshimi i urdhërit të ekzekutimit për “Kontratën e Kredisë me kufi nr. 5460 rep, nr. 1284 kol.datë 24.12.2007, të ndryshuar me amendamentin or. 6048 rep, rir. 2093 .kol. datë 25.12.2008: dhe Amendamentit nr. 4719 rep, nr. 1054 kol. datë 30.12.2009.”

Shorti elektronik ka zgjedhur për të gjykuar këtë kërkesë, gjyqtaren Enkela (Bajo) Vlora, dhe se pritet që brenda muajit shkurt të meret një vendim për pranimin ose jo të kërkesës së bankës. Nëse gjykata vendos pro bankës, atëherë përmbarimi mund të verë nën sekuestro pasuritë e kompanisë “Romano Port”.

VEPRA 20 MILIONE EURO
Titullari i veprës 20 milionë euroshe nënshkroi një marrëveshje koncensionare me qeverinë për 30 vjet. “Romano Port”, e cila ka financuar vetë gjysmën e projektit, ka marrë në vitin 2006 një kredi prej 10 milionë euro euro nga 3 banka, të nivelit të dytë. Projekti kishte të bënte me një sipërfaqe prej 42 hektarë dhe përbëhej nga një urë 630×15 metra dhe pesë depozita të naftës (nga 20 mijë m3 secila) si dhe gazi (10 mijë m3). “Romano Port” siguronte se terminali do të ishte në gjendje të shkarkojë 9 mijë ton gaz dhe 16 mijë ton karburant në ditë. Por vetëm në vitin 2003 u dëgjua për Porto Romanon si një terminal i mundshëm.

Romano Port Sh.A. është krijuar nga një konsorcium prej 3 kompanish, “Edil Al”, “It” , Intergaz dhe “Alba-Oil”, krijuar dhe udhëhequr nga A.D, përfaqësues i lartë i Shoqatës së Ndërtuesve Shqiptarëve si dhe partner lokal në disa supermarket. Shtetasi A.D, u largua, duke i’a lënë aksionet Piro Bares, pronar i “Alba-Oil”. Në vitin 2004 u lidh një kontratë koncensionare të Porto Romanos, ratifikuar nga Kuvendi i Shqipërisë, me ligjin nr.9298 të të njëjtit vit. Pas marrjes së lejës së ndërtimit, nisën punimet në kohë reale, por vonesat misterioze çuan në mospërfundimin e punës, siç ishte planifikuar për pranverën e vitit 2007.

LEAVE A REPLY

Please enter your comment!
Please enter your name here