Home Aktualitet Raporti: 55 super të pasur në Shqipëri, zotërojnë 7mld $

Raporti: 55 super të pasur në Shqipëri, zotërojnë 7mld $

84
0

55 individë në Shqipëri zotërojnë një pasuri prej 7 miliard dollarë. Ky fakt bëhet i ditur në një raport të “World Ultra Wealth Report 2012-2013”. Pavarësisht krizës, të ardhurat e super të pasurve shqiptarë u rritën me 4.1% vitin e fundit. Në Evropë, Shqipëria renditet në vendin e 37 për nga numri i individëve super të pasur, nga 45 shtete që janë pjesë e kësaj renditjeje

Sipas të dhënave vendi ynë parakalon tre vende të tjera të rajonit për nga numri i super të pasurve. Shqipëria ka më shumë individë të pasur sesa Maqedonia (me 35 individë), Bullgaria (me 45) dhe Mali i Zi (me 21 individë). Rekordin në rajon, për nga të pasurit e mban Kroacia, ku rezultojnë 260 super të pasur, me një pasuri totale prej 30 miliardë dollarësh, e ndjekur nga Rumania, që ka 125 super të pasur.

Ky raport është e vetmja analizë, që kryhet nga terreni, duke përdorur sistemin e gjerë të të dhënave të individëve super të pasur. Ai përqendrohet vetëm tek personat me një pasuri neto prej 30 milionë eurosh e lart (duke llogaritur aksionet në kompani publike dhe private, pasuritë për banim dhe investim, koleksionet e artit, cash-i dhe asete të tjera). Në total, sipas raportit, janë 187,380 njerëz tepër të pasur në botë, një rritje prej 0.6% në krahasim me vitin e mëparshëm. Pasuria e tyre e kombinuar ra me 1.8% në 25.8 trilion dollarë.

Previous articleSherri për pronën, ekzekutohet familja në Lezhë
Next articleItali, shqiptarët trafik kokaine edhe në Senatin italian

LEAVE A REPLY

Please enter your comment!
Please enter your name here