Një ngjarje e rëndë ka ndodhur në orët e mbrëmjes së të premtes në qytetin e Pogradecit. Një fëmijë 2-vjecar është sjellë i pajetë në ambientet e spitalit te qytetit.
Reporteri i “Ora News” ka njoftuar se dyshohet se shkaku i vdekjes së foshnjes ka qenë helmimi. Por ende nuk janë dhënë detaje konkrete mbi kohën dhe mënyrën e helmimit të fëmijës dy-vjecar.
Menjëherë pasi është raportuar vdekja e fëmijës, policia lokale ka mbërritur në vendngjarje për të hetuar për këtë ngjarje të rëndë.
