Home Aktualitet Olsi Rama sqaron provokimin e pales serbe gjate ndeshjes

Olsi Rama sqaron provokimin e pales serbe gjate ndeshjes

139
0

olsi ramaVëllai i kryeministrit të Shqipërisë Edi Rama, personi i etiketuar nga zyrtarët e lartë serbë si drejtues i dronit me flamurin kombëtar në Serbi ka hedhur poshtë akuzat. Në një intervistë për “Zërin e Amerikës”, Olsi Rama sqaron gjithë provokimin e palës serbe gjatë 43 minutave që u luajt ndeshja dhe vendodhjen e tij gjatë kohës kur droni me flamurin e Shqipërisë etnike ishte mbi qiellin serb.

“Pasi ndeshja u ndërpre forca të tjera sigurie të policisë hynë në korridorin e llozhave, filluan të kontrollonin njerëzit, erdhën edhe në atë vendin ku isha unë, më kontrolluan celularin, më morën dhe aparatin, se unë gjithë kohën bëja fotografi. Kisha një aparat Nikon gjysëm profesional, dhe po bëja fotografi për t’u treguar miqve këtu të mi, që nuk kishin mundësi të vinin në Beograd. Tregova aparatin, pritën 10 minuta dhe ikën duke thënë “S’ka problem, s’ka problem!”, por ata po kërkonin në mënyrë absurde telekomandën e dronit tek llozhat tona”, deklaron Rama.

Sipas tij edhe në rastin kur pala shqiptare kërkoi shpjegime për kontrollin e imtësishëm që pala serbe po bënte, përgjigja e marë nga ta ishte aspak korrekte. “Unë i thash që jam qytetar amerikan, ja dhe pasaporta, ndërsa ata më thane se “këtu jemi në Serbi dhe rregullat i bëjmë ne, nuk pyesim fare për asgjë”. Më pas në rrëfimin e tij Olsi Rama tregon se shqiptarët janë mbajtur të bllokuar për rreth 45 minuta nën presionin dhe dhunën verbale të serbëve. Sipas tij, kontrollin dhe mbajtjen për një kohë relativisht të bllokuar nga pala serbe, media e përdori duke e cilësuar si një incident të justifi kuar për atë që kishte ndodhur. Vëllai i kryeministrit Rama ka sqaruar edhe pozicionimin e tij në momentin e ngritjes së dronit me flamurin shqiptar dhe njohjen që vetë ai ka për një pajisje të atillë.

“Unë nuk kam aspak eksperiencë me dronin dhe nuk e di se çfarë quhet pozicion i volitshëm në raport me një objekt që fluturon. Kështu si unë ishin edhe të gjithë shqiptarët e tjerë në një radhë me mua. Si unë ishin edhe 32 mijë personat që ishin në stadium. Gjatë kohës së ndeshjes po bëja fotografi, kisha një aparat fotografik që ishte lehtësisht i dukshëm si aparat fotografik, por besoj se në momentin që ka kaluar droni në përgjithësi masat e sigurisë nuk ishin në lartësinë e duhur, stadiumi ishte goxha i vjetër, masat e sigurisë linin shumë të për dëshiruar them unë pavarësisht se kishte një prezencë të madhe të forcave të rendit. Në momentin që ndodhi dhe rrëmuja vëtë tifozat hynë në fushe, u lejuan të hyjnë në fushë, kjo u pa nga të gjithë në kamera.

Besoj se të ç’orientuar nga e gjithë kjo dhe të papërgatitur, ata erdhën të gjenin një motiv, të gjenin një dicka, dhe në vend që të gjenin telekomandën gjetën Olsin me pak fjalë. Mund të ishin edhe shqiptarë të tjerë që ishin në stadium”, përfundon sqarimin e tij Olsi Rama.

Previous articleTerhiqet Berisha, gati te negocioje per rifutjen ne parlament
Next articleHakerat serbe sulmojne faqen zyrtare te Universitetit te Shkodres, Kosova eshte Serbi

LEAVE A REPLY

Please enter your comment!
Please enter your name here