Home Aktualitet Rruga energjitike e Kombit, perfundon projekti

Rruga energjitike e Kombit, perfundon projekti

79
0

largea_us1467115674Shqipëria dhe Kosova kanë nga dje ekuivalenten e rrugës së Kombit edhe në sektorin energjetik. Qeveritë e dy vendeve inauguruan përfundimin e punimeve të Linjës së Interkonjeksionit 400 kilovolt që rrit shkëmbimin e energjisë mes dy vendeve dhe rajonit. Kur foli për përfitimet, kryeministri Rama nuk la pa kritikuar paraardhësin e tij për mosrealizimin e projektit në kohë.

“Një projekt i cili duhet të kishte përfunduar qysh në vitin 2011 dhe që përfundon sot pasi me vullnet të përbashkët nisëm punimet në fillim të 2014. Sot krijojmë premisën themelore për një treg të përbashkët të energjisë për një reduktim të konsiderueshëm të kostove dhe humbjeve në rrjet”, deklaroi kryeministri, Edi Rama.

Pala kosovare përfundoi punimet në muajin dhjetor. Kryeministri Isa Mustafa theksoi rëndësinë e linjës për shndërrimin e dy vendeve në një hapësirë të diversifikuar energjie.

“Linja e Interkonjeksionit 400 kilovolt Shqipëri Kosovë i jep vlerë më të madhe këtij diversiteti, pasi krijon mundësi shkëmbimi të energjisë elektrike, kur është e nevojshmë sidomos në stinët kur dy vendet tona kanë mundësi të komplementaritetit të energjisë së gjeneruar nga uji dhe thëngjilli”, tha kryeministri i Kosovës, Isa Mustafa.

Projekti është financuar nga Banka Gjermane KfË dhe për pjesën shqiptare ka patur vlerën e 29 milion Eurove. Linja ka një gjatësi totale 241.1 km, nga të cilat 151.1 shtrihen në territorin e Shqipërisë dhe 90 km në territorin e Kosovës.

LEAVE A REPLY

Please enter your comment!
Please enter your name here