18 qytetarë që gjendeshin në bordin e një anije të vogel në liqenin e Komanit në Fierzë i kanë shpëtuar vdekjes, pasi anija me të ciën udhëtonin, është mbytur. Udhëtarët që gjendeshin në këtë anije ishin kryesisht turistë nga të cilët 8 ishin çekë dhe 10 të tjerë shqiptarë. Ndërkaq, mësohet se shkak i mbytjes se anijes është bërë një defekt teknik. Në momentin që drejtuesi i anijes është përballur me problemin, ka njoftuar të gjithë pasagjerët që të hidheshin në ujë ndërsa për 6 persona të cilët nuk dinin notin, kanë shfrytëzuar komerdaret që dispononte mjeti lundrues, për raste emergjente.
9 udhëtarët të cilët kanë dalë në breg me not, kanë njoftuar menjëherë forcat policore të cilat u kanë ardhur në ndihmë edhe personave të tjerë që kishin ngelur mbrapa, ndërsa anija është zhytur në thellësi.
Pasagjerët e anijes janë të gjithë tashmë jashtë rrezikut për jetën. Nga ana tjetër, bëhet e ditur se ngjarja ka ndodhur në afërsi të fshatit Salcë, të rrethit të Tropojës.
