Home Kosova Kosovë, KFOR-i aksion për heqjen e barrikadave në veri

Kosovë, KFOR-i aksion për heqjen e barrikadave në veri

110
0

Trupat e KFOR-it kanë ndërmarrë në orët e vona të natës së mbrëmshme një aksion për heqjen e barrikadës në veri të Kosovës dhe pikërisht në vendin e quajtur Kërshi i Dudës, të cilën serbët sapo e kishin ngritur.
Sipas mediave kosovare, në aksion janë përfshirë 20 ushtarë të KFOR-it të cilët fillimisht kanë çarë barrikadën e pastaj me makineri të rënda kanë nisur shembjen e betonit.
Menjëherë pas këtij aksioni serbët kanë dhënë alarmin duke u mbledhur afër barrikadës ndërsa ushtarët hungarezë të KFOR-it kanë përdorur edhe gaz lotsjellës për t`i shpërndarë.
Por edhe pas kësaj tentative për të larguar barrikadën, trupat e KFOR-it kanë dështuar ta heqin atë ndërsa pas tërheqjes së trupave nga kjo zonë serbët e kanë përforcuar edhe më shumë këtë barrikadë.
Ndërkohë mësohet se një barrikadë e vogël në Rudare është hequr nga ana e KFOR-it, edhe pse paqeruajtësit janë gjuajtur me gurë nga serbët.
Ndërkohë një shpërthim i fuqishëm ka ndodhur rreth orës 02:23 të mëngjesit të sotëm ka ndodhur në pjesën veriore të Mitrovicës.

Mësohet se shpërthimi ka ndodhur afër tre godinave të banuar me shqiptarë por nuk ka të lënduar në njerëz por janë dëmtuar vetëm disa makina.

LEAVE A REPLY

Please enter your comment!
Please enter your name here