Home Sport Kombetarja kuqezi pa stadium. Ndeshja me Francen do luhet jashte

Kombetarja kuqezi pa stadium. Ndeshja me Francen do luhet jashte

150
0

Fillimi i punimeve për stadiumin, problemet me impiantet e tjerë jashtë Tirane apo infrastruktura deri diku e dobët përsa u përket fushave dhe hoteleve, ka bërë që Federata Shqiptare e Futbollit të mendojë për një fushë jashtë vendit, ku do të luhet ndeshja me Francën. Kjo sfidë, e programuar për më 2 shtator të këtij viti, rrezikon të mos luhet në Shqipëri për shkak të një infrastrukture jo në lartësinë e duhur.

Sekretari i përgjithshëm i Federatës Eduard Prodani ka pranuar se pasi në “Qemal Stafa” të nisin punimet për stadiumin e ri, Shqipëria do të ketë pak shanse për zhvillimin e ndeshjeve të rëndësishme brenda vendit. “Shumë shpejt do të nisë puna për ndërtimin e stadiumit të ri, kështu që ndeshjet e kombëtares do të spostohen në Durrës apo në Korçë, – sqaroi sekretari i FSHF-së. – Për në Shkodër duket pak problem, sepse ata ende nuk janë të licencuar, por ne po presim që të përmirësojmë kushtet në stadiume të tjera.
Nuk është çudi që ndeshja me Francën përshembull, të zhvillohet në një stadium jashtë vendit”, shtoi Prodani. Sekretari i FSHF-së e lidh këtë ide me faktin se stadiumi i Durrësit apo i Korçës kanë ende mangësi, ndërsa edhe ai i Shkodrës duket se nuk plotëson kushtet e licencimit të vendosura nga UEFA.

Përsa i përket vendit ku do të zhvillohet sfida me Francën, duket se ai do të jetë në Zvicër, një shtet frengjisht-folës, por që ka edhe shumë shqiptarë. Grumbullimi i bërë aty nga Josip Kuzhe duket se u ka lënë një shije të mirë të gjithëve në Federatë.

“Nuk e dimë ende, mund të luajmë në Durrës, në Korçë, por pse jo edhe në Zvicër, – tha për këtë sekretari i përgjithshëm i FSHF-së. – Ne jemi duke parë edhe opsionet jashtë vendit, për shkak të kushteve të mira apo të problemeve që ne kemi këtu me stadiumet”. Në fakt, një spostim i ndeshjes me Francën jashtë territorit shqiptar do të thotë të privosh tifozët nga sfida më rëndësishme e edicionit, megjithatë çdo gjë duket se lidhet me faktin që përballë është një nga skuadrat më të mëdha të botë, e cila kurrë nuk do të pranojë që të luajë në kushte jo optimale.

Për më tepër, në Zvicër jeton një komunitet i madh shqiptarësh dhe përfaqësuesja kuqezi nuk do të ishte për asnjë moment pa përkrahje

Previous articleTransparency International: Te ndryshohet ligji per imunitetin e deputeteve
Next articleNjë ditë nga jeta e të “penduarit” Dritan Prifti

LEAVE A REPLY

Please enter your comment!
Please enter your name here