Policia e Gjirokastrës ka sekuestruar 20 kilogramë marijuanë dhe ka arrestuar në flagrancë një person, ndërsa ka shpallur në kërkim dy të tjerë.
Sipas policisë është arrestuar, shtetasi i cili do të transportonte me krahë lëndën narkotike, si dhe ka shpallur ne kërkim pronarin i lëndës narkotike nga fshati Lazarat dhe një shtetas tjetër që transportoi lëndën narkotike me automjet.
Marijuana do të transportohej nga Gjirokastra në drejtim të rretheve Fier -Vlorë , Durrës dhe Tiranë , dhe për të shmangur postobllokun e Policisë të ngritur në vendin e quajtur Uji i Ftohët Tepelenë , do të përdorëj si rrugë kalimi për trafikimin e lëndës narkotike , rruga këmbësore buzë lumit Drino si dhe rrugën këmbësore në pyllin mbi pikën turistike Uji i Ftohtë Tepelenë”- thuhet në deklaratën e policisë.
Policia nuk bëri me dije identitetin e të arrestuarit apo dy personave të shpallur në kërkim, për arsye hetimi.
