Vritet në Fier Lulzim Heqimi, një 45 vjeçar, i dënuar për trafik ndërkombëtar droge, babai i dy fëmijëve, i sapodalë nga burgu dhe antar i një prej familjeve më të njohura dhe të përfolura të qytetit të Fierit.
Ngjarje e rëndë ka ndodhur mbrëmjen e djeshme rreth orës 19:20 në në lagjen Liri në një lokal “Eurolloto” rreth 100 metra nga apartamenti ku jetonte Heqimi. Sipas dëshmitarëve në vendngjarje mësohet se Heqimi ka qenë i vetëm duke pirë kafe ndërsa killeri kishte shkuar në lokal përpara tij dhe po e priste.
Porsa Heqimi është ulur, killeri e ka goditur me një plumb pas koke. Autori më pas është larguar duke hipur në një automjet që është larguar me shpejtësi. Policia tha se është duke hetuar për kapjen e autorëve por duket se pistat janë të larmishme pasi në 20 vitet e fundit familja Heqimi ka akumuluar një numër të madh rivalësh për shkak të hasmërive.
