Home Aktualitet Durres, shoferi perplas me makine policin dhe largohet

Durres, shoferi perplas me makine policin dhe largohet

166
0

polic-rrugorNjë drejtues automjeti, jo vetëm që nuk i është bindur urdhrit të oficerit të policisë rrugore për të ndaluar, por madje e ka përplasur me makinë këtë të fundit dhe është larguar nga vendi i aksidentit.

Ngjarja ka ndodhur në Durrës, ku oficeri i policisë rrugore, Shkëlqim Cupa i ka kërkuar drejtuesit të automjetit Ledjon Kadilli që të ndalojë, por ky i fundit nuk e ka zbatuar urdhrin. Madje jo vetëm kaq, por Kadilli e ka përplasur me makinë policin rrugor, duke u larguar nga vendi i ngjarjes.

Cupa është dërguar në spitalin rajonal të Durrësit, ku mësohet se nuk ka pësuar dëmtime serioze dhe ndodhet jashtë rrezikut për jetën.

Në vendin e ngjarjes kanë mbërritur forcat e policisë së rendit, të cilët kanë nisur menjëherë punën për kapjen e drejtuesit të automjetit, si dhe zbardhjen e plotë të rrethanave të aksidentit.

Për arrestimin e Kadillit mësohet se janë ngritur postblloqe të shumta në të gjithë qytetin bregdetar. Ndërkohë nga verifikimet e kryera, rezulton se Kadilli këtë ngjarje e ka të përsëritur pasi në në korrik të vitit 2013, ka aksidentuar një tjetër oficer të policisë rrugore, në postbllokun e Urës së Dajlanit në Durrës.

Previous articleTropoje, arrestohet kreu i OSHEE, Rustem Gjonaj
Next articleTradhtimi i Mukjes dhe mosmësimi nga historia

LEAVE A REPLY

Please enter your comment!
Please enter your name here