Home Aktualitet Deshmia e 35-vjeçarit nga Tirana, u hodh pluhur kur mbajti fjalen Basha

Deshmia e 35-vjeçarit nga Tirana, u hodh pluhur kur mbajti fjalen Basha

212
0

Një prej pacientëve të paraqitur në pavijonin e Okulistikës në QSUT pohon se eshte hedhur pluhur në distancë 4 metra larg podiumit nga ana e Kryeministrise.

35-vjeçari nga Tirana, me inicialet B.K., pohon se pluhuri ka nisur të hidhet gjatë kohës që në podium ishte ngjitur për të mbajtur fjalën kryetari i opozitës Lulzim Basha.

Por duke menduar se tymnaja e krijuar ishte për efekt fushate, nuk i ka dhënë rëndësi.

Keni qenë pjesë e mitingut të Partisë Demokratike dje. Sa larg podiumit ishit?
Kam qenë dy metra larg podiumit.

Kur nisën shqetësimet e para?
Pak orë pas mitingut, rreth orës 10 të darkës. Kam pasur dhimbje të mëdha tek sytë, irritim të qepallave dhe dhimbje koke.

Në urgjencë, kur u paraqitët?
Nuk e kuptova menjëherë. Mendova se ishte diçka kalimtare dhe nuk i dhashë tepër rëndësi. Por gjatë ditës së sotme, kur pashë ata që po ndodhte, kuptova se nuk ishte rastësore. Erdha që të vizitohem. Na dhanë mjekimin dhe u ktheva në shtëpi. Prej merakut jam rikthyer sërish.

Çfarë thanë mjekët kur ju vizituan? Nga se mund të jetë shkaktuar?
Nuk e kanë përcaktuar nga se është shkaktuar. Dëmtimi që kam pësuar është i dukshëm, por janë të paqarta shkaqet.

Ju keni dyshime?
Mbaj mend diçka, por nuk i kam dhënë rëndësi. Është hedhur pluhur në distancë 4 metra larg podiumit nga ana e Kryeministrisë në drejtim të Kontrollit të Lartë të Shtetit. Mendova se ishte për efekt fushate, pra diçka festive, ndaj nuk i dhashë rëndësi. Më pas e bëra lidhjen.

Kur ndodhi kjo?
Në momentin që mori fjalën kryetari i Partisë Demokratike, Lulzim Basha.

Personat e tjera me të cilët ishit të shoqëruar, a kanë pasur shqetësime të ngjashme?
Në dijeninë time janë dy-tre persona që janë hasur me simptoma të ngjashme.

Previous articleKontraceptivet orale, ja 7 arsyet perse nuk duhen perdorur
Next articleMinistria e Shendetesise: Basha erdhi rreth ores 5 te mengjesit me shenja helmimi

LEAVE A REPLY

Please enter your comment!
Please enter your name here