Home Aktualitet BE: Negociatat do te hapen kur te filloje zbatimi i reformes ne...

BE: Negociatat do te hapen kur te filloje zbatimi i reformes ne drejtesi

383
0

eu-parlament

Këshilli i Çështjeve të Përgjithshme të BE-së, në një situatë të pandodhur më parë, ka vendosur të mos ketë konkluzione, por deklaratë të Presidencës, pasi një nga shtetet anëtare ka kërkuar ngrirjen e procesit të zgjerimit, duke mos rënë dakord me propozimin e paraqitur nga Këshilli.

Ishte vetë ministri i Jashtëm i Sllovakisë, Miroslav Laçak, që në cilësinë e shtetit që ka presidencën e radhës të BE-së, ai që njoftoi mosarritjen e konsensusit.

“Ne do të donim më shumë, do të donim të kishim përfundime të Këshillit, por një shtet nuk ishte i gatshëm të pranonte kompromisin, të cilin 27 vendet e tjera anëtare e pranuan kur u vendos në tavolinë”, deklaroi kryediplomati sllovak.

Burime për Top Channel thanë se shteti bllokues duket se është Austria. Vjena ka kërkuar që të ngrijë procesi i zgjerimit për Turqinë. Pjesë e këtij grupi kanë qenë edhe shtete si Holanda e Bullgaria, por ka qenë vetëm Austria ajo që ka vënë thuajse veton kundër Turqisë.

Nga ana tjetër, ka qenë grupi i drejtuar nga Gjermania, e cila edhe për shkak të numrit të madh të shtetasve gjermanë me kombësi turke, që janë forcë e madhe elektorale, ka kërkuar vijimin e procesit të integrimit.

Por përplasja mes dy grupimeve dhe sidomos dy vendeve gjermanike dhe paradoksalisht të dyja pro Shqipërisë, ka sjellë që Këshilli të mos arrijë në një deklaratë të përbashkët.

Ministri i Jashtëm sllovak theksoi se konluzionet për çdo shtet do t’i dërgohen si aneks.

“Ne do ta lëshojmë këtë deklaratë presidenciale dhe në një aneks do të përfshijmë konkuluzionet për rajonin, procesin e zgjerimit dhe për çdo vend specifikisht”, deklaroi Lajçak.

“Këshilli vlerëson pozitivisht rekomandimin e Komisionit për hapjen e negociatave me Shqipërinë në varësi të progresit të besueshëm dhe të prekshëm të implementimit të Reformës në Drejtësi dhe në veçanti të vlerësimit të gjyqtarëve dhe prokurorëve.

Duke rikujtuar konkluzionet e tij të mëparshme përfshirë edhe ato të dhjetorit 2015, Këshilli përsërit se një zbatim i qëndrueshëm dhe gjithëpërfshirës i pesë prioriteteve kryesore duhet të sigurohet para hapjes së negociatave për anëtarësim. Këshilli fton Komisionin të raportojë mbi Shqipërinë përveç “Paketës së Zgjerimit” dhe do t’i rikthehet Shqipërisë, pasi të jetë bërë përparim i mjaftueshëm”, thuhet aty.

Arritjet e Shqipërisë i vlerësoi edhe Lajçak.

“Ajo çka është më e rëndësishme është se Shqipëria arriti të realizojë atë prioritet që ishte me kryesori, reformën në drejtësi dhe shtetin e së drejtës. Ajo çfare duhet bërë tani është zbatimi”, deklaroi ministri i Jashtëm sllovak.

Pyetjes së televizionit Klan se a ka kritere të tjera për çeljen e negociatave pas zgjedhjeve politike të 2017, Lajçak iu përgjigj duke përmendur atë që për Bashkimin Europian është më thelbësore.

“Padyshim prioriteti numër një është zbatimi i plotë i reformës në drejtësi. Por sigurisht që edhe respektimi i  vlerave dhe parimeve europiane, ku përfshihen zgjedhjet e lira. E rëndësishme është që ne nuk jemi pengje të kalendarit, por ne do t’i kthehemi progresit të Shqipërisë në çdo moment që ne do të shohim që ka prova të mjaftueshme të këtij progresi. Mendoj që kjo është shumë e rëndësishme dhe ajo që ne e kemi quajtur “mekanizmi urë” është aty dhe kjo është një gjë pozitive për Shqipërinë”, u përgjigj Lajçak.

Previous articleTirana denoncon thyerjen e stolave te stadiumit
Next articleZjarr ne parking, digjet makina e Flori Mumajesit

LEAVE A REPLY

Please enter your comment!
Please enter your name here